樂樂打針

上兩星期同樂樂去健康院打 MMR, 佢好叻仔呀, 無發燒! 所以決定快D同佢打埋水痘同甲型肝炎, 因為出水痘好痛苦, 之前見朋友同BB一齊出, 好辛苦架！

兩枝針, 一枝打大脾, 一枝打手臂。樂樂莫講話喊, 連呀一聲都無, 真係好強!

之前聽朋友話一歲要打埋肺鏈第四針, 但醫生建議遲兩個月先打, 到時可以打埋新一輪流感針。

PP AMC 睇戲

同如爸拍拖去 PP AMC 睇戲....因為佢公司搞咗 movie night, 睇 Indiana Jones and The Kingdom of The Crystal Skull。 大機構照顧真係好週到, 又有爆谷又有飲品! 戲當然好睇, 加上戲院的坐位, 視覺同音響效果, 我哋真係仿如大鄉里, 睇到地動山搖時真係覺得張櫈搖緊 ~~ 以前係 JW Marriott 做, 正因為 AMC 裝修, 不知比幾多客鬧 Ballroom 嘈, 一有大 function 就係咁解畫, 咁快就兩年, 想唔到我依家享受到戲院嘅設施! 人生嘅嘢....有時你真係估佢唔到。

去香宮食晚飯

星期日晚李氏家族又有飯食....同姑媽一個月生日真係好, 樂樂今年切咗好多個蛋糕, 又食咗好多餐生日飯！餐餐都好正呀！

九香嘅香宮, 食物質素真係好。由頭盤到湯, 到主菜, 到甜品, 都係有讚無彈! 姑媽張信用咭又有蛋糕同紅酒送, 埋單仲有折, 令人回味無窮!

BK 0705 九龍區媽媽午餐小敘

今曰同班網友出去尖沙咀客家好棧敘一敘, 有舊朋友, 又有新朋友, 好開心! 大家嘅 BB 同一個月出世, 真係好多心得交流。

食物好食之餘, 最難得係平.... 泊車貴過餐飯, 難以罝信呀！唯一美中不足係比較嘈, 下次再試吓第二間。

Victor can stand up and walk

At his 12 months, Victor can stand up and walk by himself.

暑期班

為咗令小如好好利用暑假, 一如往年, 當然要精心安排!

今年學校有一星期 summer camp - 音樂農莊大自然小領袖, 再報咗 Shelly De Mozz Jazz 嘅暑期表演班! 仲有爸爸好想送佢去 ESF 嘅英文 camp, 又要睇吓時間同地點啱唔啱!

當然仲有報麗城青年中心嘅暑期班, 今年抽到星期六, 四點籌, 去到梗係好多班都 full 咗! 但係有幾個心水都報到...司儀, 拉丁, 非洲鼓, 仲有第一次報到有資助嘅 courses: 愛自己 (有關性教育, 都要開始比佢知多D), 参觀馬灣同九巴。

粗略估計, 全部班加埋要.....成.....萬銀! 香港嘅小朋友真係好好好幸福!

5.12 四川大地震

一剎那天動地搖, 摧毀無數家園, 死傷數以十萬計.....

四川汶川發生大地震, 係中國三十二年來最嚴重的大地震，達到黎克特制七點八級，威力相當於二百五十二枚原子彈一齊爆炸，至少造成逾萬人死亡，數百萬人受災!

天災無情, 人間有情, 世界各地紛紛施援手! 第一次感受到中國人心連心~~ 樂樂都捐晒生日所收嘅利是錢! 希望盡小小力, 可以幫到D災民!

四川加油, 中國加油!!!

Photo is from Yahoo!

小如溜冰有進步

轉咗 tutor 幾堂, 真係覺得進步咗好多, D 姿勢靚咗!

Victor is 1 year old!

樂樂一歲啦!

一早就去咗健康院, 度高磅重做測驗, 當然仲要打針 MMR (同私家e生打嘅一樣, 所以決定慳返三舊水:P)

重: 10.5 kg (23 磅, 輕咗...定係屋企個磅唔準? 之前磅 24 磅, 定係我眼花)

高: 81.5 cm (超晒標) 要見 e 生, 等咗半粒鐘, e 生話: "啊, 冇乜問題嘅, keep 住觀察吓, 歲半再 check 啦!"

測驗: past (之前見有Ｄ媽咪話要訓鍊亞B, 我就冇啦, 咁先知道佢嘅發展係點)

打針: 訓訓吓打嘅, 喊两聲收晒, 繼續訓 ~~ 勁呀！

晚飯去咗亞爺到, 一去到先請亞爺比Ｄ胎毛筆樂樂摸吓, 叫做周歲抓喎！

文武筆两枝, 當然亞仔一手就嗱晒两枝 (慌c蝕抵), 唔通佢大個能文能武? 結果再比佢攞, 就攞咗枝文筆, 希望佢大個會成為一個有用嘅人。

我哋仲一家着咗親子裝, 好 warm! 寫住 Dad, Mum and Me!