樂樂今日一拖五

去朋友仔 Esmee 屋企, 有五個靚女一齊玩呀! 睇吓笑得幾甜~~






















有工人睇住樂樂, 我先可以同Ｄ媽咪傾吓計。講吓講吓, BB幾個月時認識, 個個一舊飯咁, 到依家見佢哋周圍走, 真係好開心!

兩個生日會

今日都係傾盆大雨! 小如仲要趕兩個生日會, 出門口落雨, 返屋企又落雨。

一個生日會係同學仔去咗荷里活廣塲~~真係好多人, 入停車場都要等, 原來大肚腩爸爸有免費泊車, 點解大肚腩媽媽無???

之後就係表哥生日會...玩完仲要趕返屋企同澳洲返來的 Auntie 食飯。今日好忙呀!

Run to Beijing

小如契媽早前参加咗 "京港耐力馬拉松", 由香港跑去北京。 路程約2,500公里, 每天一個馬拉松（42.195公里）, 目標58天完成。 香港 > 廣東省 > 湖南省 > 湖北省 > 河南省 > 河北省 > 北京 ~~ 真係小Ｄ耐力都唔得!

但係見到朋友可以挑戰自己, 熱心助人, 去做自己喜歡的事, 實在替佢高興! 今日係第十九日啦, 已經跑到湖南，睇吓佢哋嘅 最新消息, 希望大家都可以做吓善事, 支持吓!

剛剛見到新聞話因為"風神"吹入大陸, 做成湖南一帶水浸, 真係有Ｄ担心! 但我深信努力可以戰勝一切....加油呀！

風神黎啦...八號風球

天文台在今早5時45分發出八號西南烈風或暴風信號，半日唔洗返學唔洗返工。今次八號風球, 好彩屋企唔係好大風, 吹西南風，平均風速每小時超過62公里。在上午6時，強烈熱帶風暴風神集結在香港天文台之東北約40公里，即在北緯22.6度，東經114.4度附近，預料向北或西北偏北移動，時速約14公里，登陸深圳。

學生健康服務

由一年班開始, 學校就會安排學生去學生健康服務中心做檢查。

學生健康服務中心於1995年開始為學童提供服務，參加此項服務的學生每年會獲安排前往其中一間中心接受一系列的健康服務。這些服務是為配合學生在各個成長階段的健康需要而設計，其中包括體格檢驗；與生長、營養、血壓、視力、聽覺、脊柱、性教育、心理健康及行為等有關的普查；個別輔導及健康教育。經檢查發現有健康問題的學生會被轉介至健康評估中心或專科診所作詳細的評估及跟進。

去到九龍灣中心, 由登記, 到檢查, 到見姑娘, 無一個有笑容 (當然佢哋嘅態度唔算差, 但係似機器多D) !!! 特首真係要睇吓, 我唸呢D情况係所有政府部門都有發生...點解我哋交稅換黎咁嘅服務???

陽光普照

今日.....陽光普照呀!

一家帶埋表哥一齊入粉嶺 JC 游水, 好開心。 樂樂係一個無有怕嘅小朋友, 去到池邊仲想冲落水。睇吓 model 示範游水尿片:

之後仲去咗行草地, 感受一吓大自然。

Charles Studio

今日 book 咗去影相....

認識 Charles Studio, 由五月一日 BK 0705 生日會開始。佢D相真係幾好, 又快手 (party D 相好快有得睇), 細心 (送比我哋每人一隻相嘅 CD 同 Video VCD, 實在令到個 party 好難忘)! 加上見到樂樂嘅朋友仔 ~~ 李暈浪同小瑜都影得好好, 所以點都要影返輯。

樂樂影相好小望鏡頭, 又曳、又諸事、又八卦, 玩具唔玩....玩閃光燈、佈景簾，好彩個哥哥好有心機, 全家一齊引佢, 先至順利影完。等揀相時係咁搞嘢, 睇漏一眼, 成個中落地下, 喊咗两聲, D鼻係咁流, 比佢嚇C!

其實D相, 小如同爸爸果Ｄ最好, 最自然! 一收到相即刻 post 比大家睇吓。

太陽出來了

好記得由五月中開始就一直下雨，樓下泳池開咗都一路無游過水。 唔係紅雨就黑雨，又水浸又山泥傾瀉....

見返呢個藍天, 心情當堂好返晒!

Fantastic 4

樂樂由五個幾月開始返幼潛, 不知不覺已經返咗八個月, 第三個 course 啦! 成班同學由一舊飯咁坐都未識, 到依家識行周圍走, 真係進步好多。好多謝 梁ee 嘅教導, 仲有卓然爸爸媽媽成日幫我哋影相, 留下好多美好回憶! 最近呢幅傑作, 勁搞笑 ~~

足部矯形

今日又傾盆大雨, 因為無工人, 一家又一齊出動去咗攞矯形鞋托。

早前小如學校安排咗脊部姿勢同足都檢查, 結果發現亞女有後足外翻, 舟骨偏突等問題 (即係扁平足)。 見佢派返黎張報告話足患嘅影響可能出現: 小腿容易疲倦, 足底痛, 膝痛, 腰痛, 容易跌倒等問題, 嚇得我拿拿聲同佢見咗矯形師, 之後就定咗一對鞋托比佢 (成千蚊)! 其實矯形師話個鞋托唔可以將隻脚變返以前咁, 但就可以防止差落去!

所以大家如果對小朋友脚仔或姿勢有懷疑, 應該盡早檢查吓!

寶血醫院(明愛)陳登復康治療中心

BK 媽咪又叙會

今次食西餐 798 unit & co , 又幾好喎! 地方又靜, 又舒服!

最緊要近幼潛, 同D媽咪傾完計就帶樂樂返學 !

亮白笑容

姑媽推介一種嶄新美白牙齒科技: smilestudio , 初到香港但好似幾有效。

美白牙齒的原理是利用含過氧化氫的美白啫喱重複塗上牙齒表面，當美白啫喱進入琺瑯質及象牙質，它會有效清除牙齒深層的污漬, 而不會傷害您的牙齒結構。

smilestudio 在英國擁有多年的專業美白牙齒經驗。專利美白啫喱及藍光暖燈配合簡易安全的美白牙齒步驟。

價錢唔算貴, 過程需時約一小時, 我都想去試吓!

Father's day

老豆都黎咗香港過父親節, 加上李氏家族一行十幾人, 又係去沙田 JC 啦！

全家上下輪流睇住樂樂, 我先至有啖好食！因為爺爺嘅 "飛士", 除咗自助餐, 我哋仲有羊扒同大頭蝦食！雪糕仲係 Haagen dazs 添!

當然唔少得教小朋友做小禮物 (自己畫顏色嘅水杯仔), 小如畫比爸爸果個都幾靚架!

新親子網站

朋友小瑜媽介紹, sign up 咗 Peegaboo.com 成為會員, 即時送你 HK$180 u-love-this.com coupon。

我都後知後覺, 以為遲咗 sign up, 未必有 coupon。點知真係仲有! 由登記到今日收到我定嘅禮品, 一個星期左右, 睇吓我買咗呢D ~~ 總共 HK$190, 即係補咗十蚊喳, 哈哈！

明愛賣旗

同小如一齊去做義工, 幫明愛賣旗。

今次唔係我哋第一次賣旗, 但相當有難度.....雨係咁落, 梗係揾個有瓦遮頭嘅地步 - 荃灣地鐵天橋! 只不過係八點幾, 天橋上已經企咗幾個義工婆婆, 好艱辛先揾到個有利位置 (地鐵站出口)。

但係出地鐵嘅人買咗 (應該係第二D站買), 入地鐵嘅人都買咗 (可能係前面已有義工), 搞到小如好冇心機!

結果雨越落越大, 又担心爸爸一個人搞唔掂樂樂, 支持咗兩個鐘, 我哋决定交旗袋。雖然唔係有好多善款, 但都總算出一分力!

傾盆大雨

小如放假, 一早同埋樂樂返英文 playgroup 。估唔到佢依家仲意玩打掃, 搬櫈就梗係强項啦!

返到屋企樓下, 大雨到....車都落唔到! 結果為有去咗佢哋最仲意嘅沙田 JC play room 玩。樂樂仲識鍊車同爬樓梯, 睇吓:

小如去迪士尼参加生日會

小如同學今日下午開生日會。同學嘅媽咪照顧好週到~~安排咗旅遊巴由學校車佢哋去酒店。小如梗係想趁高興搭旅遊巴啦, 點都叫我唔洗接佢去; 難得佢唔驚, 由得佢試吓啦! 下午同樂樂去酒店接小如, 去到樂樂梗係好開心啦, 周圍走, 好似 housekeeping 巡房咁!


行吓行仲訓係地下猛咁笑!

冇工人的日子

前日突然收到工人個亞媽過身嘅消息, 兩日來忙於安排佢返印尼。

呢兩個星期點算? 今曰只不過係第一日....車住樂樂去小如學校攞旗袋同接放學！ 九龍塘接放學, 真係奇景。條街泊滿車 (當然唔係車位), 見到人人都泊, 就算係咁比人呠, 我都要試一試。

入到學校, 好似行花市咁多人! 抱住樂樂又要迫去攞旗袋, 好彩都好快揾到小如。急急脚走去攞車, 哈哈又無抄牌喎！

冇工人, 又要做家務又要煮飯, 樂樂要自已玩啦!

端午節~~做節

李氏家族晚飯做節, 一定係去凱旋啦!

今日比較特別.....全家又着親子裝! 呢套係來佬貨, 德國嘅交通燈黎架! 仲有表哥姑姐都有。六個一齊着, 會唔會誤以為我哋傻架?
















成日都想同三老表影合照, 今時今日真係有難度, 因為樂樂係唔會停落黎!

寫網頁

今日傾盆大雨下, 去咗學寫網頁!

電腦呢一科真係深奧... 見D專家寫幾隻字, click 幾 click, 就搞掂! 自己慢慢摸, 真係有排搞。 學咗一個鐘, 成個醒晒! 依家清楚好多, 起碼可以自己試吓試吓, 真係越黎越有信心!

Fishmum.com is coming soon!

吹BB

樂樂返幼潛, 上兩堂學吹雞, 當時試吓, 仲未識。返屋企練咗幾次, 依家吹到BB聲...犀利呀！

小如 - 測驗週

終於黎到呢個學期嘅尾聲, 最後一次測驗。 June 5-11, 一如過往, 我就要努力陪佢温習, 謝絕一切應酬, 全職媽媽....好偉大呀！