嘆個下午茶先

樂樂好返晒....值得高興! 一家出動去 Cafe Too 食 Tea Buffet! 樂樂可能困係屋企耐, 一有街出不知幾開心~~ 坐定定等食!



小如都好 enjoy.... 食咗好多嘢。呢碗就係佢自己揀嘅湯麵。



去到高級酒店, 梗係要嘆吓同周圍參觀吓。



又去 gift shop, 又揀紅酒, 不知幾開心!

Jazz Performance

尋晚小如參加咗 SDM Jazz 學校嘅千人舞蹈匯演, 表演塲地係理工大學賽馬會綜藝館, 成千個位滿晒。一開始就係小如有份演出嘅"舞林奧運盛會", 雖然好多人一齊跳, 但我都覺得小如跳得唔錯架! 仲被選為代表上台領獎, 由龐愛蘭小姐頒獎。左邊第二個就係小如啦!

個 show 成三個鐘, 除咗學生嘅表演之外, 又有司儀搞氣紛, 又有嘉賓頒獎, 仲有歌星演唱添! 表演嘅小朋友由幾歲到十幾歲都有, 真係覺得小朋友錢好容易賺! 家長嘅心態全部都係希望比仔女學多D嘢, 見識多D, 有多Ｄ表演機會, 小朋友自然會得到鼓勵同表揚, 生活就自然會開心同快樂啦。

好似佢哋嘅CEO係台上講:
如果一個孩子生活在鼓勵之中, 他就學會了自信~~

如果一個孩子生活在表揚之中, 他就學會了感激~~

睇吓小如幾有自信~~

獎牌睇真Ｄ

樂樂在港安的日子

其實樂樂係上星期六開始咳咗两日, 冇鼻水但有Ｄ發燒。 最担心係佢唔係好似平時咁玩同周圍走, 只係痴住我同依依鵝鵝(太空話, 唔識聽 :P)。 可能佢真係好唔舒服, 所以星期一晚拿拿聲同佢睇急診。 一去到醫院, 又生猛返D, 等見醫生果時周圍搞嘢!

醫生見樂樂呼吸好似好用力, 建議照x-ray。 結果話佢有Ｄ肺感染, 有痰, 好彩好輕微, 但入院用針入抗生素會好Ｄ。

上到病房, 度高磅重, 樂樂差Ｄ整爛個磅....佢一手捉住條度高鐵, 又想大顯身手玩單槓! 姑娘都比佢嚇親。好戲在後頭 ~~ 要插針啦.... 因為要打抗生素, 經一輪搏鬥, 結果要三個姑娘先制服到 "大力樂"!

果粒"針荳", 經過兩日就比樂樂整甩咗! 因為D抗生素要打三日, 為有再拮過。 喊聲震天咗五分鐘, 原來仲未拮。喊係因為佢唔仲意人捉住喳! 結果係拮唔到, 冇錯------喊咗成15分鐘都整唔到, 為有轉口服藥。

樂樂的自白~~ 我在港安的日子

******************************************************************************

好清閑, 淨係食藥、打針同訓教, 又唔比落地, 為有專心睇我部私家 DVD!



媽咪見我咁嘅做型, 最啱係練吓"七旋斬".....練完之後功力大增, 結果姑娘送比我玩果條鱷魚....個頭唔見咗, 哈哈！



困咗三日, 發火啦我....你哋幾時先放我出黎???



我要自由....為有自己爭取! 中國加油, 我都要加油 ~~ 跨出去!

樂樂又作病

樂樂前兩日又有咳, 睇咗一次醫生, 今日仲好似犀利咗, 有鼻水添 ! 尋晚半夜仲流鼻血, 醒咗訓唔着。結果爸爸同佢睇咗套粵語殘片.....好親子呀！

小如的傑作

暑假上咗輕黏土班, 學咗Ｄ乜? 有雪糕啦, Pizza 啦, 雞仔啦, 烏冬啦, 音樂盒啦, 仲有月餅添! 想唔想食返啖~~

又打風~~

「 鸚鵡 」 正面吹襲香港, 但我哋屋企風勢就算不上勁, 點講都唔似八號風球!

星期五呀, 又多一日假, 一衆打工仔....好好享受 long weekend 啦！

馬灣大自然

識得打問號嘅古怪植物? 公園內竟然有活化石? 蜜蜂神祕失蹤?

小如跟賽馬會麗城中心去咗参觀 馬灣公園, 佢話好好玩呀! 原來馬灣有個咁靚嘅公園, 大家不妨去玩吓吖！

Kindermusik

好多媽媽都應該有聽過 Kindermusik 嘅 playgroup. 未聽過? 其實係一個美國嘅幼兒音樂活動課程, 利用童謠、手指謠、故事書、親子互動黎令 BB 身體協調、語言和認知等得以發展。 我知香港有好多地方都有得上, 但係為咗近, 所以揀咗愉景新城小冬冬試吓.....大家唔好以為 "試" = 唔洗錢, 我都唔明點解試堂要比 $280!


樂樂参加咗 Village class (for 0-18 months bbs), 可能係平日加上有Ｄ舊同學冇返, 只有兩個BB上堂。環境係幾好, 地方大同乾淨, 但係樂樂唔見得仲意, 亦唔見得投入! 雖然全程有音樂有活動, 但二少爺只係仲意娟入Ｄ枱仔底下, 好享受佢自己嘅枱底世界。


上完堂老師游說我哋再試 Our Time class (for 18 mths - 3 yrs kids), 話多D互動嘅遊戲, 但我都係冇 join 到！因為真係唔覺得好好, 想再試吓其它嘅 playgroup 先, 有新發現再通知大家！

通識「智」激鬥

Jazz 跳舞學校應有線兒童台之邀請, 率領一班美少女参加咗益智問答節目~~ 通識「智」激鬥。今日去咗有線錄影!

通識「智」激鬥 : 一個既考通識又考機智既問答比賽，每集會邀請2隊兒童團體參賽，以時下電玩最流行既”爭奪武器”玩法進行競賽。各種武器都會有唔同既威力，包括”選擇令、驅逐令、迫答令、求救令同皇牌令”，參賽者需要運用適當既武器，配合通識同機智方能壓倒對手，成為最後嬴家!

五個参賽嘅美少女 (梗有小如份啦) 加埋八個啦啦隊員, 好熱鬧! 但係對手珠心算隊D哥哥好强勁, 結果....輸咗呀! 不過都係一個好好嘅經驗, 亦都令我有份去錄影廠参觀参觀 ~~ 一償做星媽嘅滋味!

大家如果想睇吓小如嘅表現, 節目於9 月20日中午12時至1時, 有線兒童台首播; 同日, 下午4時至5時, 於有線兒童台重播; 同日, 下午5時30分至6時30分, 於有線第一台首播。

探孖B

懷胎十月, 生一個BB出黎已經好開心! 朋友生咗對龍鳳胎, 你話心情會係點呢?

去咗睇孖B, 親身感受一吓.....心情梗係勁開心啦, 一個仔一個女, 仲要一人似一個, 一次搞掂晒, 簡直係羨慕C人!

身為大哥哥嘅樂樂, 送咗套二手玩具比BB, 仲幫手 set up添, 幾乖！

大熱天時玩玩水

爸爸今日帶兩位老細去玩水, 好開心! 一落到樓下, 細佬自己已經揹住個水泡, 一個箭步想冲落泳池!

洗白白

樂樂好仲意用花灑沖涼, 依家仲會幫自已搽皂液添呀！

奧運熱潮~~小如也着迷

睇完奧運開幕式, 簡直嘆為觀止! 作為中國人, 真係覺得好威!

一股奧運熱, 傳遍香港....睇吓小如都有参賽呀！馬術啦, 滑浪風帆, 足球....仲成為新一代女欄王同全球最瘦舉重手添!

My artworks

上咗英文班三個月, 一齊睇吓樂樂 (媽咪) 嘅傑作:

呢件 Tee 都係自己畫架!

跌到...崩咗個鼻

前兩日係樓下玩, 跌到趴係地度, 結果個鼻崩咗。

Under the sea

今個星期 summer camp 嘅主題係 Under the sea。

要探索海裡面嘅水母呀, 魚呀, 梗要整返個潛水鏡先啦!

迎奥運

家姐啱啱收到美國Auntie送嘅靚裙, 為咗要扮奧運女神, 樂樂拿拿林攞咗黎着....

仲要揸返個聖火(電筒), 北京奧運, 開幕啦!!!

學生相

九月開始就要幫樂樂報09年度嘅幼兒班 (N1), 都係時候影定學生相啦！


都幾醒目架, 如果我做校長....實收你呀！

依家呢個年代, 做父母真係好大壓力, 啱啱識行就話要報幼兒園。有Ｄ名牌已經有好多 waiting list, 仲有Ｄ話一出世就攞住出世紙去排隊....

近來都做咗Ｄ資料搜集, 大家可以睇吓如媽網:

N1 招生資料
幼兒中心

海盜黎啦！

小如上咗一個星期 ESF summer camp, 好開心喎, 仲講定出年都要再報！ 學到Ｄ乜? 真係唔係好清楚！但外藉老師話, 佢哋學到嘅>>比我哋想像嘅多喎！其實係一個講英文嘅環境, 講吓故仔, 唱吓歌仔, 做吓手工, 表演吓....都係好開心, 好充實架！

睇吓海盜小如----帽, 單眼罩, 銀圈大耳環, 鐵鈎等等, 全部都係佢哋上堂整嘅！

咁好玩, 點少得細佬 > o<