一點獎勵

得到體操比賽分組冠軍, 小如真係叻叻! 為左比少少鼓勵佢, 送左份禮物比佢 ~~ 愛心冰棒工塲, 佢鐘意左好耐架啦! 仲有就係電左個靚髮添, 係咪仲靚女呢?

冇學返的日子...

自從學校停課, 真係頭都大~~唔知同兩個小朋友玩咩好! 加上近來天氣唔好, 又落雨 (冇得去樓下玩), 又雷暴警告 (冇得游水), 為有去行吓商塲嘆冷氣 ~~

體操友誼邀請賽

今次係小如第一次參加體操比賽, 係 YMCA 九龍會所舉辦嘅邀請賽。除左同校體操隊朋友仔之外, 原來都幾多人參加喎!

小如屬於中級組, 參加嘅項目係跳馬同自由體操，因為有好多指定動作 , 教練幫佢哋練左成個月架啦。

睇吓小如嘅戰衣 ~~

比賽現塲: 跳馬 14.5 分 ==> 第一名

自由體操 1, 2, 3 名都係校友, 14.3 分 ==> 都係第一!

符符碌碌 ~~ 兩個項目加埋, 小如攞左個分組冠軍!

Starting to talk!

樂樂呢幾日講多左好多野, 睇書同睇 VCD 都跟住講!

講D乜?? 咩都有D....

用英文由1數到10 ~~ 温, do, fee, 科, 快乎, sexy, 時笨, egg, 奶, dan! 一個都冇漏, 叻仔! 全靠睇 Number Jacks!

唔知係咪5月果時去得多 birthday party, 見到生日蛋糕(D圖畫) 就會唱生日歌: b b 波地 do u....唱完仲識扮吹蠟燭 ~~

新玩意

由細到大, 樂樂在都習慣坐 car seat, 就算我自己帶佢去街, 佢都乖乖哋自己坐後面。

呢排愛上玩 seat belt, 點玩? 拉完又放, 放完又拉, 笑到騎騎聲!

父親節快樂!

同三個爸爸 (爺爺、公公同爸爸) 嘅慶祝活動 ~~ 都係指定節目飲茶、食飯囉!

食晚飯嘅時候, 餐廳為小朋友準備左D小手工, 小如整手工一向都唔錯! 佢今年整左呢件 mini tee 比爸爸! 小小心意, 爸爸當然會意啦!

踢波樂

係咪男仔一定仲意踢波呢? 波不離手...

同米奇吃早餐

尋日開始無落雨啦, 有返陽光。今日一早見天氣咁好, 去左迪士尼酒店, 跑吓草地同食返個自助早餐 ~~

九點幾去到, 已經好曬、好熱, 玩咗一陣 D 汗係咁一滴一滴流, 結果都係拿拿聲入返餐廳嘆冷氣!

今日陪我哋食早餐嘅朋友仔有: Goofy, Mickey, Daisy 同 Pluto。 Goofy 一黎就用個鼻搞樂樂個頭, 嚇到佢彈起! 後來到 Mickey 同 Daisy 埋黎先冇咁驚。最曳嘅 Pluto 仲同小如玩到顛晒添!

其實呢個自助早餐都好多嘢食, 當做 early lunch 都冇問題, 樂樂就最抵....唔洗錢都食返夠本!

早到嘅生日禮物

仲有成個月先到生日, 小如已經收到今年嘅生日禮物啦!

咩黎? 一部 Acer Aspire One netbook 囉! 爸爸話早左放暑假, 等我哋兩母女唔洗爭電腦用喎 :)



係咪好似 OL 呢!

Mock Exam - Jazz

小如報考左 CSTD 嘅 Modern Jazz Exam, 準備左幾個月, 7月尾就考啦。跳舞學校為左令佢哋更有信心, 早前已經搞左一次 mock exam, 尋日舉行第二次。其實試吓模擬考試都好嘅, 等佢哋可以試吓係有評判睇住嘅環境下跳; 不過佢哋練左咁耐, 跳得好好架啦, 我好有信心噃!

扮女仔 ~~

愛美 ~~ 其實係人嘅天性, 不分男女, 都係貪靚嘅!

樂樂個人粗手粗腳, 但都好仲意靚。見家姐夾頭髮, 又攞黎夾; 見家姐帶頭箍, 又攞黎帶, 仲要照鏡! 呢次見到家姐帶假耳環, 又有樣學樣....

喂, 仲差一隻呀唔該!!



靚晒! 其實樂樂眼大嘴細, 扮女仔都幾靚架 :)

First time in Salon!

樂樂D頭髮, 一向都係我一手包辦! 但越大個, 就越好奇, 成日想攞個電刨黎玩, 好難搞....

尋日第一次帶佢去髮型屋, 都幾乖 ~~ 可能因為坐高櫈, 見到塊鏡, 加上每個位都有電視睇, 佢坐定定超過10分鐘! 個師傅當然好快手, 唔洗一陣, 搞掂!

兒童體能智力測驗服務 ~~ 續

上次講起樂樂去健康院做兩歲測試, 又肥佬, 醫生轉介佢去兒童體能智力做跟進。

我對呢D機構, 一向都冇乜祈望, 但求希望攞多個意見。約左今日去測驗中心, 先見姑娘, 問晒所有問題, 佢哋會再研究吓你提供嘅資料, 睇吓雖唔雖要安排見醫生。咁我問會幾耐到有消息....個姑娘話半年內喎! 冇野吓嘛 ~~ 半年?? 一個二歲嘅小朋友, 半年嘅發展可能好快, 亦可能好慢; 黎得比你哋跟進, 梗係想要醫生嘅專業意見, 盡快想方法幫個小朋友啦, 等半年真係等如冇幫助!

咁我又問個姑娘....咁呢半年我哋可以做D乜? 佢叫我多D去聽講座, 同埋比左一個私人機構嘅 list, 叫我自己睇吓幫唔幫到手!!

政府機構, 你哋幾時先會進步!

考完試啦!

小如考完試啦! 我又一條好漢啦 ~~

雖然仲要返學, 但都冇咩教呀, 我有三個月唔洗溫書囉! 大家都可以抖一抖。

啱啱新聞話銅鑼灣聖保祿學校有學生確疹 H1N1, 如檢驗結果屬本土感染, 就會全港停課...咁咪即係提早放暑假?

幾時先可以....坐定??

平時D時間點消磨呢?? 係咪唔睇過...你都唔信呢!

I love mangoes

原來樂樂最似媽咪嘅....係好仲意食芒菓 :) 恨不得一次過塞晒入口!

Very hot!

唔知搞咩咁快就三十幾度.....消暑妙法, 首選游水啦!



樂樂真係好大膽, 冇水泡, 冇手袖, 都冇有怕! 睇黎要快 D 比佢學游水。

咩天氣呀?!

五月前半個月天氣好好, 後半個月就成日落雨, 搞到樂樂成日都冇得落樓下玩。

尋晚無拿拿狂風大雨, 閃電閃到好似放煙花咁! 今日陽光普照, 天時暑熱 ~~ 真係唔知想點....

同樂樂返學, 落到樓下見到咁好天, 心情都靚晒!

佢依家返學乖左好多, 冇喊好耐啦 :) 見到老師仲自己行入課室, 除低背囊自己掛好; 今日仲識指個 A 字添!

親子 tee

唔知大家有冇買情女裝, 父子裝, 母女裝嘅習慣呢? 我哋以前都有買架, 不過樂樂出左世後就變左買親子裝啦!

舊年樂樂生日買左呢 set 親子 tee ~~ Dad, Mum and 2 me, 好搶眼!

呢 set 係姑媽送嘅 ~~ 紅綠燈黎架喎。

今年買左呢 set ~~ 手拖手嘅米奇, 好 cute!

如果有興趣睇吓, 好多網上店都有得賣, 我幫襯過呢兩間, 幾好呀, 覆得快, 寄貨都快。

媽寶店 and QQ 03baby QQ (呢間我仲有VIP number: B-706-S)

兒童體能智力測驗服務

上次歲半去健康院做測試, 肥佬啦! 今日返去再做兩歲測試, 都肥佬呀!

主要係因為樂樂嘅語言能力未合乎要求。語言能力分兩種:

語言理解能力 ~~ 未能跟從一般嘅口頭指示

語言表達能力 ~~ 未能說出日常生活用嘅單字

一般兩歲嘅小朋友已經能將詞彙組合, 但樂樂仲停留响好簡單嘅單字。所以醫生話唔再等啦, 轉介佢去兒童體能智力測驗中心做跟進。

原來呢個中心係負責為成長發展過程上出現問題的兒童, 提供全面的專科評估服務, 兒童發展障礙 都分好多種, 樂樂就屬 語言發展遲緩 果隻 (可能佢將所有精神...放晒响擒高擒低果方面)。

見多個專科, 攞多個意見參考吓, 梗係好啦!