最後衝刺

差不多三個月嘅暑假話咁快就放完, 聽日返學啦! 今日黎個最後衝刺 ~~ 又玩吓先 :)

今日仲着左姊弟背心同姊弟波鞋, 好型架!

Copycat?

舅公請食飯, 去左朗豪酒店明閣。曾經係度開檔嘅我, 對呢間酒店當然好有感情。但酒店業人手流動真係好大...依家行入酒店 >> 一個人都唔識!

地下大堂呢對公仔, 就幾年來都冇變過喎! 樂樂呢排D模仿力極強, 見到家姐做乜, 佢就做乜, 仲學得好鬼似架。如果返左學, 見到老師同學做乜, 佢就做乜咁就好囉!

Say NO!

時下年青人, 最緊要識向毒品說「不」!

原來 say no 都有好多方法架.....今日同小如去健康檢查, 一年一度學校安排果種學生健康服務。今年除左做體格同視力檢驗之外, 仲要參加一個健康教育工作坊 -- 煙毒的禍害。講解如何避免煙, 酒, 濫用藥物等問題。

可能係教三年班嘅小朋友, 呢個工作坊加插左D遊戲, 都幾好玩! 個姑娘仲扮鬼扮馬扮氹你食煙, 小如就要用方法 say no, 有咩方式?

第一式：堅決拒絕式「 NO !」
第二式：問家人或專業意見式「 等我問吓媽咪/醫生先!」
第三式：學識淵博式「 呢D野會害我一世!」

仲有最得意係比你試吓飲醉酒嘅滋味....比副特製嘅眼罩你帶, 帶住果陣行路有 wing wing 哋嘅感覺喎!

Afternoon tea

九月開學, 樂樂會返下午班。上兩星期嘅親子班, 係每日1-3 pm, 目的除左要比佢習慣學校環境之外, 仲要訓練佢遲D訓晏覺。雖然呢個星期唔洗返學, 但都 keep 住樂樂嘅時間表, 等佢下星期返學都可以適應到。

依家下午成 4 點先比佢訓覺, 到 5 點幾起身, 食個下午茶, 玩吓, 到 8 點先食晚飯。



今日下午茶, 飲左家姐罐 shake shake Fanta 啫哩添喎!

Playgroup 完啦!

兩星期嘅學前親子班完啦! 休息一個星期就正式返 N1 囉! 經過10日嘅訓練, 樂樂係有進步架 ~~ 雖然佢都仲係唔多聽老師嘅指示, 但依家已經可以坐底一陣間 :)

每次做手工佢都係第一個完成....因為佢嘅耐性真係好有限! 希望返左學之後可以由老師教育佢定性小小啦。

呢D係上星期嘅傑作:

Bob the builder?

係咪男仔特別鍾意修理架呢? 每次見爸爸整理家俱, 樂樂都第一時間想一齊整 ~~ 佢知道螺絲批係咁用嘅, 有文有路咁架!

入營啦 ~~ 小如

小如今日第一次去宿營呀! 去邊度? 黃宜洲青年營囉! 邊樹黎? 西貢對開嘅一個島喎 (我未去過呀)!

今次去宿營, 係小如自己話要去架。 YMCA 三日兩夜嘅「做個小領袖」(8-12歲) 活動 , 主旨係透過團體活動, 領袖訓練, 讓小朋友學習如何尊重及關懷他人之餘, 更能建立自信。我都好高興佢肯去宿營, 小如絕對唔係一個企理嘅小朋友, 平時持住有工人幫手, 點叫佢執好D嘢, 都係好亂架!!

其實9歲嘅小朋友真係要有足夠嘅自理能力, 聽聞今次都幾多嘢學架, 希望响暑假完結之前可以鍛鍊吓佢!

新玩具

執好屋, 發現原來樂樂有好多未開嘅玩具呀 (...以前屋企細, 如爸唔比買玩具架)! 呢幾日開左D比佢玩, 好 happy 呀!

史迪仔迷

小如依家有自己嘅房間, 作為一個史迪仔迷....睇吓!



仲可以將佢D至愛公仔擺晒出黎添~~

Our new home!

搬左黎新屋一個禮拜, D野都執得七七八八啦 (細屋搬大屋, 冇咩難度)!

對樂樂黎講, 於一個大一倍嘅廳度玩, 梗係正啦! 淨係玩行 sofa, 都玩左一排....

親子勞作

返左 5 日 playgroup, 除左係坐唔定之外, 大部份老師叫做嘅野樂樂都跟到喎 (我都有D意外佢叻左咁多)! 呢 D 勞作, 大部份都係佢自己整添架!

媽媽聚會之日本放題

同班 BK 媽咪又黎聚會啦! 今次係去嘈爆 遊食吟嚷居酒屋 吃日式放題....

廿幾個女人, 除左吹得 (水), 飲得 (汽水), 仲好刷得!!! 成晚食左幾多野? 睇吓呢條彩帶貢長嘅單, 勁唔勁 :)

執屋中

當全家人都努力執屋, 樂樂就由一個袋跳去另一個袋, 由一個箱跳入另一個箱...

First day at school!

等咗兩年, 樂樂九月就返 N1 啦!

為咗幫助小朋友適應新環境, 學校舉辦咗個為期兩個禮拜、每日兩個鐘嘅暑期親子遊戲班。樂樂都好 OK 呀, 起碼冇喊呀, 希望真正自己返都可以咁就好啦!

一週大事

一個禮拜冇 update 個 blog, 點解?? 搬左屋呀!

為左方便大小姐同二少爺可以行路返學, 廿四孝如爸如媽終於决定搬啦 ~~ 好幸運哋揾到一個好近學校嘅地方, 近便D真係慳好多時間。

執屋、入箱、搬屋、清潔、拆箱...用左差不多兩個星期。加上樂樂今個禮拜開始上學前預備班, 真係好似體能訓練呀 >> 我 !!

小如的戰利品!!!

八日嘅東京之旅, 除左為小如帶來無限開心快樂嘅回憶, 仲為一家人帶來好多禮物 ~~

呢D係佢嘅收穫, 一個喼仔去, 多左一個大袋返!!






最錫細佬嘅佢仲買左姊弟裝 2 sets :

當然唔少得一家四口嘅靚靚親子 tee ~~ 仲要係佢至仲意嘅史迪仔呀!

Wet look!

如爸買左個新玩具 ~~ 潛水相機! 呢期好多 wet look!

游水...冇有怕喎!

一定要出深水玩先開心架!

玩得一陣連水泡都唔要~~

其實話時話, 潛水相機又真係幾好架, 影水面又得, 水底又得!

小如不在家

眨吓眼小如去左日本六日啦, 仲有兩日就返來囉!

自出娘胎, 樂樂都未試過同家姐分開咁耐, 沒有家姐的日子.....為有多D同媽咪爸爸玩啦。唱吓歌、跳吓舞、睇吓書咁 >> 仲有扮鬼扮馬!

又打風....天鵝黎啦!

呢隻天鵝好勁 ~~ 今朝早先掛3號風球, 但因為移動路線飄忽又行得快, 路徑又逼近香港, 天文台啱啱發出8號烈風信號啦! 應該未來幾個鐘最接近我哋, 睇怕半夜在都登陸囉, 一眾打工仔又要失望啦, 聽朝一早應該都要返工....

夜遊 Elememts

早兩日約左朋友見面, 帶埋樂樂夜遊 Elememts。

果度啱啱有個小展覽, 有個砌大積木嘅活動, 雖然唔識砌, 但都玩得好投入呀！



見到呢張櫈仲開心, 係咁好似玩踩地雷咁...