2009年9月30日星期三

做個小領袖

暑假果陣除左去2星期嘅日營之外, 小如仲第一次去左個3日2夜嘅宿營! 去完返黎佢話好好玩, 仲黑左好多! 收到D相, 先知原來真係幾好玩架 ~~

個宿營响黄宜洲, 要搭一程船先到。


好多活動同訓練....自己洗衫添呀! 8個人一間房, 小如話佢訓上格, 好過引!


戶外活動有挑戰自我嘅, 亦有團體合作嘅。


仲有黑夜矇眼探險, 幾刺激咁呀!

2009年9月29日星期二

認字

由於平時大部份時間都用英文同樂樂溝通, 睇碟、兒歌、字咭等都係, 所以佢識嘅字都係英文。點解唔教佢中文? 因為佢講野唔叻 (比同齡慢, 仲係未識講句子), 為免混淆佢所以淨係教英文先囉!

日常生活上好多物件佢都識架, 仲有1-10, 顏色, 形狀等等, 發音仲超搞笑:

卜芹 = broken
古白 = school bag
i 人 = iron
squid = square
嚇c 狂 = hexagon

呢期凡親屋企有果樣野, 仲要將張字咭放响上面....即係咁:


樂樂學中文

返左 N1 差唔多一個月啦, 雖然仲有時會喊, 但樂樂真係識多好多野 ~~ 包括人、口、手!

2009年9月27日星期日

Fishdad's birthday

是晚預祝如爸的生日, 大閘蟹加高膽固醇晚餐一頓....


九龍城買嘅蟹, 都 OK 啦, 雖然唔係大隻, 都有好多膏噃。仲有乜餸? 走地嘉美雞, 黄金老虎蝦, 椒鹽鮮魷, 一孖芝麻班, 花膠螺頭煲雞! 不得不提係生日蛋糕同雪糕 ~~ 巧正! 係哋間 awfully chocolate 嘅出品 : Chocolate Banana Cake 同 "hei" ice-cream, 極之好味 :)



Look! Yum Yum Yum!

2009年9月26日星期六

Kids Fit 大搜查

今年暑假, 小如參加左兩個 camp, 一個係五日嘅日營"Kids Fit 大搜查", 另一個係三日兩夜嘅宿營"做個小領袖"。

啱啱收到佢哋當時影嘅相, 其實真係好值得比小朋友參加呢類型嘅活動。點解? 小朋友可以從遊戲中學習點同人相處, 合作, 思考, 創作, 解決難題, 挑戰自我等等, 比起自己响屋企玩, 一定有更多得着。



親子運動會

小如學校一年一度嘅親子運動會又黎啦!

同舊年有少少唔同, 今次冇攤位遊戲, 只有親子比賽嘅項目 (射籃, 乒乓波, 拋豆袋, 呼拉圈, 跳繩等等) 。我哋參加左呼拉圈...我哋嘅成績係媽咪9秒 (失禮晒!), 小如40秒, 面對强勁嘅對手, 我哋當然輸左啦! 現塲所見, 有D媽咪可以玩1分鐘以上架, 好利害 !!



今年小如係新翼上課, 梗要參觀一吓! 同舊翼嘅外貌非常相似, 風格一樣 ~~ 都係好靚嘅一座建築物!

2009年9月19日星期六

初到貴境之課外活動

小如由細到大學嘅課外活動大部份都係响荃灣。依家搬左黎市區, 為有去屋企附近搜羅一吓!

終於揾到啱時間嘅英文同普通話班, 加上係學校上體操同 Jazz, 全部都在10分鐘路程之內, 非常好!

樂樂今日都開始佢嘅興趣班啦 ~~ 係 Phonics 同普通話, 返學校上嘅, 問佢學左咩, 當然唔識答啦; 但見佢放學冇喊喎, 應該 OK 啦!

雪花西冷

聽日有朋友黎屋企玩, 為左要好好招呼來賓, 今日買左條雪花西冷。比人食之前梗要肯定吓好唔食...今晚為有整幾塊食吓啦 :) 正唔正? 樂樂食到停唔到口, 係咁叫 "biv" "biv" !




2009年9月17日星期四

人肉滑梯

樂樂新發明嘅滑梯!

2009年9月16日星期三

練歌...

最近被選為小如學校嘅義工家長合唱團成員, 第一次嘅演出係十月尾, 上星期開始練歌啦! 有老師教架 (佢當然都係義工家長啦), 佢讚我哋今年呢班媽咪好掂, 練左一兩次已經好夠膽唱。

因為練嘅時間唔多, 下星期就要識背埋歌詞...好耐未試過背書嘅感覺啦, 好彩兩隻都唔難唱嘅!







2009年9月13日星期日

Riding a bike?

下午帶埋細佬去左小如同學仔嘅生日會。

小如讀女校, 所以參加嘅多數都係女仔。大家唔好以為樂樂會悶, 佢見人哋睇魔術表演, 佢又跟住拍手; 見人哋玩遊戲, 佢又玩埋一份; 淨係玩呢個單車波波, 都好開心呀! 除此之外, 當然就係冇時定走黎走去啦。

看完佢半日, 攰到吖....




Housewarming

搬左屋成個月, 約埋班媽咪 friends 黎屋企熱鬧吓!

對於我哋嘅新屋, 個個讚不絕口! 對於我哋準備嘅食物, 個個都讚不絕口! 在酒店業打滾多年嘅我, 設計同準備廿人嘅 brunch, 冇咩難度啦, 哈哈!

睇吓有咩食先...仲有D未拎出來添喎, 都幾豐富呀!



2009年9月12日星期六

神奇凝冰



唔知大家有冇試過 "神奇凝冰" 可樂呢? 真係好正, 又冰又凍! 可惜唔係好等多地方有得賣, 如果超市或便利店有得賣就好囉, 大熱天時冇野舒服得過飲枝超凍可樂啊! 唔知冬天會唔會冇得賣呢?

2009年9月8日星期二

Mami's first day at school

教師生涯的第一天...

大家認識吓, 講吓咩係 sales and marketing 咁喳, 咁都有同學合眼訓! 同佢哋傾計, 先知原來呢班叫做好乖好企理, 有D讀過第間學府/其它課程嘅同學話果D仲離譜喎 ~~

認識我嘅朋友們應該知道我講野唔算悶呱, 真係唔敢相信講書果陣係點呢?

2009年9月7日星期一

樂樂自已返學啦

今日起, 樂樂返學要靠自已, 兩個鐘頭冇媽咪陪架! 下星期起就要返3個鐘添啦!

返到學校, 入門口已經見到有小朋友喊...好彩樂樂冇喊呀! 可能早前又返過暑期班, 校園同老師都一樣嘅關係。但到放學反而見到佢眼紅紅 :( 原來老師話佢等放學時見到有同學走, 佢又跟住走, 當然比老師捉返轉頭之後就喊啦! 老師話佢總括黎講都OK, 但係就仲未肯完全聽指示, 要老師對住佢講先肯做喎。慢慢來啦, 一日唔得咪兩日, 兩日唔得咪三日囉, 冇話唔掂嘅!

2009年9月5日星期六

Mami's birthday

新工作同生日同一日, 好特別嘅一年! 今年仲早左收到上天送比我嘅賀禮 >> 成熟嘅身份象徵~~老花!

尋日全家大小12人, 响屋企食 (依家間屋大左, 可以招呼好多人架)! 食乜? 犀利啦 ~~ 鮮果大蝦沙律, 壽司, M9 和牛, 鵝肝...當然唔少得 Haggen dazs 蛋糕!




2009年9月4日星期五

開學禮

今次開學禮, 唔係樂樂, 唔係小如, 係如媽開學呀! 唔係讀書, 係教書, 休息左兩年半, 重出江湖啦我...

我冇野多, 好彩朋友多, 我一出聲話想揾野做, 就有介紹人幫我手, 揾到份教文憑課程嘅工! 係去 YWCA 教 Sales and marketing 呀! 做左十幾年酒店旅遊, 轉行真係一個挑戰! 但今日見到D學生都幾企理喎, 希望可以順順利利啦!

2009年9月3日星期四

School time!

九月天, 返學天!

見好多朋友都好緊張 BB 第一日返 N1, 對我黎講, 真係冇咩特別準備。因為樂樂早在舊年11月已經開始自己返學, 喊已經喊過, 訓練到可以自己返1個半鐘嘅 playgroup。

早前响劍嗚仲返左兩個星期親子班, 對學校環境熟悉晒, 加上呢個星期只返1個鐘, 又可以有家長陪, 完全 OK 啦!

今日開始有大約10分鐘嘅分離, 有D同學仔喊到飛起, 而樂樂就冇喊呀! 下星期就要自己返啦, 希望佢可以保持笑容呀 ~~



小如當然冇問題啦, 四年班囉喎, 今年仲可以行路返學, 開心到不得了!

2009年9月2日星期三

Devil cake

近來電視成日有「魔鬼蛋糕」嘅廣告, 搞到一向酷愛朱古力嘅李氏三父子女心癢癢! 最令你更加想食係因為幾次都話賣晒....消費者心態, 成日賣晒 ~~ 一定係好野啦! 所以爸爸一見到有得賣就拿拿聲買個返黎嘆吓。

樂樂見到就梗係衝埋去啦, 好味到成件食晒不特止, 仲叉頭叉尾手指都食埋!