踩單車

呢架單車其實係樂樂今年嘅生日禮物, 可惜佢到依家都未識踩, 為有坐車尾啦, 都一樣咁開心呀!

Tunnel

從小開始樂樂己經係爬隧道嘅高手, 記得有次去 N1 面試, 當時嘅佢梗係咩都唔識啦, 點知最後叫佢爬隧道, 得晒 >> 收咗佢呀!

礙於以前屋企細, 從來都冇唸過買條隧道比佢玩。今次天公造美啦, 哈佬喂 party 果日抽到份禮物, 燈燈燈櫈....就係一條 tunnel 呀, 好開心呀佢!

學校的 Halloween

樂樂學校好有 Halloween 氣氛, 整個校園都有好多佈置, 每日返學樂樂都會話 "泵勤" 呀!

尋日同小如一齊接細佬, 家姐都猛讚靚!

今日仲有 party 同埋要扮吓嘢, 身為一條化骨龍嘅樂樂梗啱呢個做型啦, 公公婆婆都話佢型仔!

Hooray for Circus

早前响樂樂返 playgroup 果間中心買咗呢套玩具, 係布造嘅書加埋一D可以貼落本書度嘅公仔, 主題係馬戲團。



呢排樂樂學嘢好快 ~~ 同埋好有心機好留心, 所以開咗同佢玩。勁仲意呀, 又將個公仔騎落隻馬度, 又同小丑獅子玩, great fun!

小如也開 P

見到媽咪開咗咁多個 housewarming party, 小如都唔執輸呀, 請咗10個同學仔黎屋企玩!

幾個鐘頭玩D咩?? 睇 High School Musical 玩跳舞啦, 連細佬都跳埋一份 ~



穿吓珠仔, 整手繩, 砌沙樽.....仲有美少女廚房之包雲吞同整 homemade cookies! 班美少女都好叻呀, 包果D雲吞煮完出黎冇散架, 加埋 XO 醬一齊食, Yummy Yummy!



仲有由如爸負責教嘅焗曲奇餅, D 製成品極之好味添噃! 個個玩到唔捨得走 :)

哈佬喂扮鬼扮馬趴地

班 BK 媽咪又搞嘢啦! 哈佬喂趴地 ~~ 一衆搞手媽咪們好得 (一如過往!), 有得飲、有得食、有獎抽、有禮物不特止, 仲有埋場地佈置同遊戲, 真係好多謝晒!

今次全部廿幾個小朋友都有扮鬼扮馬, 十分之尊重個派對, 呢兩套服裝係經過精心挑選架!



小如連手套都襯晒呀!

我哋除咗抽到禮物, 樂樂仲成為最佳打扮男 BB, 多謝各位ee嘅選票!

巧虎

早前有朋友介紹睇 巧虎 ~~ 一份台灣嘅月刊加DVD, 教小朋友於每個成長階段中生活自理、認知、禮貌、品德、語彙等等嘅知識。在台灣, 一個學年平均每10 個小朋友就有1個訂呢本月刊 (咁利害, 梗有佢成功之處)。樂樂一睇, 好鬼仲意!

為咗支持正版, 定咗一年原裝嘅圖書同DVD, 今日收到貨啦! 真係唔錯, 今個月教小朋友要多飲水, 仲送埋隻水杯。本書原來好玩玩架, 等我同樂樂玩完再分享心得!

工程師??

樂樂近來愛上玩工具! 呢套玩具都幾好玩, 每件工具都貼住個英文名稱, 雖然樂樂講嘢唔叻, 但係超好記性, 教過佢嘅工具名, 全部認得晒!

Hammer 啦 ~~

Cutter 啦 ~~

Drill 啦 ~~

仲有螺絲批同士巴拿, 通通都記得, 好叻仔啊!

縮骨功

其實小朋友真係幾仲意自我空間 ~~ 樂樂試過將自己收埋響柜度、紙盒 (每次惠康送貨果D)、按摩椅後面等等, 有D驚佢將來收埋自己入雪柜呀!

今次練縮骨功 >> 收埋自己响個擺 speaker 嘅地方....

親子餐桌禮儀班

上星期六同小如去咗學校家長教師會搞嘅親子餐桌禮儀班, 學吓西人食飯嘅一般禮儀。

形式係一路食一路學 ~~ 講吓有咩餐具, 點樣用, 要注意D乜等等。有咩食? 沙律、湯、主菜及甜品都有, 仲比想像中好食喎!



吃完每碟餸, 刀叉要放 four-twenty (好似個鐘咁)!



飲湯隻羹要由內至外 ~~



食意粉仲講究, 要小小咁揾隻叉轉, 仲要揾隻羹幫一幫!



上完堂仲有証書架, 都幾唔錯!

成績表

學校冇咁快派成績表 >> 係早前考 CSTD Jazz 嘅成績表! 考試詳情睇呢到 Mock Exam - Jazz

考成點?? Passed with Honours 呀 ~~ 好叻女啊! 根據 marking system for examinations,

Pass = 65-69分
Pass Plus = 70-74分
Commended = 75-79分
Highly Commended = 80-84分
Honours = 85-94 分
Honours Plus = 95 分& over

考官嘅評語係: Good work to keep the movements neat & sharp, Well done!

Cooking?

上星期有班 bb friends 黎屋企玩, 開左套水果玩具比樂樂玩 ~~ 睇吓佢幾專心咁切茄子、切粟米..仲不停咁話 cooking cooking!

飛常 WeWa 南瓜村

就黎Halloween, 朋友介紹我哋去呢個 萬聖節「We Wa 南瓜村」 (機場二號客運大樓) 玩吓!

南瓜村喎: 梗有南瓜啦!

今日我哋仲着一家四口親子 tee 添! 睇吓家姐同爸爸笑容幾一致 :)

見到呢D咁嘅大南瓜, 樂樂不知幾想攞個返屋企~~

消費滿 $300 仲可以扮鬼扮馬影相留念, 家姐扮巫婆, 樂樂扮紅魔鬼, very funny 呀!

嘩嘩嘩! 新雪櫃呀!

呢排成日有朋友黎 housewarming, 今日又30人啦! 係時候買個新雪櫃啦。

訂左部 日立3門系列雪櫃 今日送左黎啦~~ 嘩, 又大又靚又高貴...有保濕蔬果格, 格格凍功能, 冰溫保鮮室...總之就正呀!

Victor's homework

陪小如做功課做左3年, 依家咁快到樂樂啦!

唔係講笑, N1都要做功課同温書架 >> 有排捱!

今日派返個勞作, 係眼罩一個。返學真係學到嘢架 >> 問佢係咩黎呀? 雖然唔識講, 起馬識示範點用, 叻仔!

Yoga class

尋日開始左去參加一個瑜加班, 一星期一次當運動吓!

weekdays 嘅早上班....全部同學都係 C 奶 :) 睇落最後生係我呀 ~~ 但佢哋應該練左好耐, 因為全部都好熟識D動作。練完個半鐘, 又真係好似精神爽利左咁。不過有D動作我都未做到, miss 話慢慢練吓就得囉喎!