孖寶姊弟

上次去花園街買咗套 Super Mario 比樂樂, 憑我嘅觀察力加埋一等嘅智慧, 終於比我揾到另一間有呢款衫賣嘅舖頭。哈哈哈 >> 呢間有大碼呀, 今次變咗孖寶姊弟!

爬山高手....

我屋企果兩位, 的確會成為爬山高手!! 爬高爬低, 對佢哋毫無難度囉 ~

Buzz!

繼早前買咗一大喳休閒服後, 今日又去搜索有冇好嘢....結果買到呢套巴斯三件頭, 圖畫超靚+質地一流, 多謝 $138!

lovely pajamas!

今日去花園街, 見到好多靚女睡衣! 我買咗咁多 (幫人), hehe!

有 Dora 啦, 有 Ariel 啦, 仲有 Tinker bell 添, 一放上 facebook, 即刻比D朋友掃晒!

Shopping !!!

今約咗個好耐冇見嘅舊同事食 lunch, 趁有D時間, 去咗 Bazaar @ Harbour City 逛吓! 事關收到 e-mail, 呢幾日果樹有童裝BB用品大傾銷呀! 由 2010年10月12日至17日, 每日 11:00 am – 9:00 pm。

一入去, OshKosh 就係門口 (以前住荃灣, 成日去愉景買架, 都幾鍾意呢個牌子), 行咗一陣, 已經買咗十幾件啦 ~~ 冇偏心, 小如同樂樂都有份嘅！4折再75折呀！好彩...好多都冇碼囉, 大出血完跟住唔敢再行...

但沿途見到都好多好多bb 嘢，雖然冇留心睇係咪平呀, 都值得一逛呀！

準備潛水 ~~

一路扮潛水...一路泵波?? 莫非要帶個波一齊潛?

體操新星

家姐嘅體操天份大家都見識過啦, 究竟樂樂會唔會都係個體操運動員呢?

今日開始咗第一堂啦!

呢個初級班由3歲起就可以參加, 2個教練對10個小朋友, 有2個應該仲細過樂樂。男教練教開小如, 所以對細佬特別照顧 :)

一如佢平日嘅佢, 教練未講完就急不及待去做動作, 女教練好好, 成日喝住佢要留心同守秩序。 好彩佢身敏捷, 大部份動作都做到呀, 全程一個鐘, 十分開心 >> 我唸佢好仲意返呢個體操班囉。

食檸檬

今日上完游水堂, 同樂樂去咗間西餐廳撑枱脚。我叫咗個 set lunch, D 嘢食未到, 佢好似餓鬼咁先食一包 cookie, 跟住食一包熊仔餅, 之後仲食埋教練獎嘅百力滋!!

再食咗 garlic bread 同半碗 pasta....

仲連凍0茶D檸檬都試埋 ~ 我點都唸唔到佢會連檸檬皮都食埋!

starting to sing

返咗一個月學, 樂樂好有進步, 識唱茶點歌呀 (梗係, 每日都唱嘛)! D 音雖則唔係好有高低, 但D字好清楚架:

"thank you teacher for giving me food,

i am going to eat it all,

make me healthy make me strong,

now i start to eat,

thank you teacher...些些"撈"師!! "

叻叻!

媽媽的老友

究竟友情係可以維持幾耐呢? 見到媽咪同佢一班同學仔, 友誼保持咗差唔多 50 年, 實在叫人羨慕! 呢班媽媽的老友, 睇住我長大, 依家到我都有小朋友啦, 全部都升晒呢變亞婆級 :) 今次聚會仲有澳洲返來嘅 auntie, 以前我在 melbourne 的日子, 實在多得 auntie 的照顧。

七十大壽

老爺七十大壽呢個 project, 完滿結束啦!

除咗輯全家幅, 我都有出其它力架! 由張貼嘅設計, 印製, 到送比賓客嘅禮物, 都係我一手包瓣!

人人有份嘅筷子, 匙羹, 叉 套裝 ~~

所有女士都有嘅七色 (變色架) 玫瑰燈, 人人都讚靚呀!

全家幅

賀老爺七十大壽之喜, 做家嫂嘅…籌備同送咗一輯全家幅比佢! D 相影得唔錯嘅, 但由訂地方到影相當日...真係有D貨不對辨嘅感覺 :(

揀呢間叫做 Image Connection 嘅影樓, 主要係貪佢近屋企 (行路只需幾分鐘)。我之前亦去過視察影相嘅地方, 見有園林實景, package 都唔算太貴, 日子又 ok, 所以先决定呢間。點知 book 完幾日又話日子唔得, 大佬呀 ~~ 一家超過10個人, 由頭就過晒, 結果我又要揾其它影樓。咁遲, 當然好嘅影樓都冇位啦! 頭都大埋之際, 又話日子得啦喎!!!

影相當日, 樂樂唔舒服, 係咁咳, 係咁咳! 我已經冇咩心機, 去到仲要轉咗地方影。雖然有兩三個佈景, 但冇咗個園林實景; 話明包化妝, 化妝師都冇; 影完揀相當然又有嘢拗, 之前話包果D又唔包; 仲要個攝影師攞埋最後影果D相走咗.....唉!

唯一值得一讚嘅係交相都幾快, 趕得切今日攞, 老爺明日壽宴有相睇!

如爸的生日

每年 9.28, 就係我媽咪同如爸嘅生日 (係呀, 同一日就係咁 Q)~

今年媽咪同老豆去咗上海睇世博; 如爸就...响屋企同我哋食飯慶祝吓! 雖然冇咩特別, 但飯後都係咁意有 "Ha" 牌雪糕加枝蠟燭添呀!

又打針

半年前幫小如打 子宮頸癌疫苗, 咁快就打第三針 (最後一針啦)! 唔知係咪真係咁痛, 一打枝針入手臂...又喊!!! 對你好架女 ~~ 一般女孩小至九至十歲已可接受注射, 梗係及早打定穩陣D! 愈早注射疫苗，預防子宮頸癌的效用愈大嘛。

有興趣知多D, 睇吓 香港癌症基金會 !

追月 BBQ

中秋雖然過咗, 月色仍然好好啊, 約咗一班朋友去陳宅 BBQ 追吓月!

陳宅查實係豪宅....透爐都好豪 ~~ 唔係用報紙, 唔係用大葵扇 >> 而係用風筒呀! 實在係特別呢! 仲有用夾黎燒, 一次過放晒雞翼, 牛扒, 燒魚, 香腸等等, 簡直係快、靚、正呀!

休閒服

今朝同 D 媽咪 friends 去行花園街, 中秋啦嘛, 想買長袖套裝比樂樂。點知想買果間舖仲未開檔 :(

失望之際行吓逛吓, 執到寶呀! $29 一套嘅 Mario, Buzz, 同 Alien Ben 10, 好掂 ~~ 質地好似玩具反斗城果D, 十分柔軟!

真人示範吓....

假期郊遊

中秋假期, 我哋去咗郊遊呀!

今次仲帶定晒吹泡泡機, 但係樂樂一見D玩樂設施, 就泡都唔吹係咁爬上爬落!

小如都如耐冇踩單車啦, 可以玩返夠本。仲去 playroom 玩 lego, 呢間係佢嘅三層高大屋, 我都想住呀!

中秋節玩螢光棒

今年細佬識玩螢光棒啦! 買咗兩筒比佢哋玩吓, 好有心機咁砌。小如一向都好有創意, 細佬就冇咁叻啦, 可能第一次玩, 都好開心, 充滿新鮮感!

仲玩到熄埋燈添!