2010年1月31日星期日

海裡動物釣魚組

今期巧虎有禮物送呀 ~~ 海裡動物釣魚組!

為左配合「生活自理」單元, 今次要引導孩子東西用完了會自己收好,如果玩具沒有收拾好,就會有找不到的情境,仲有透過遊戲圖的操作,學習分類收拾好的概念。

海裡動物釣魚組透過有趣的磁力釣魚遊戲,可認識海裡動物的名稱和外形,並學習形狀和圖案配對、訓練孩子空間感和手眼協調能力。 對樂樂黎講, 配對 >> 冇問題; 磁力釣魚 >> 都冇問題!



佢手眼都幾協調架 ~~





勁開心呀!

2010年1月27日星期三

i am loving it....

部舊電話...整唔見晒我D電話號碼 !! 一怒之下 ~~ 出咗部 iPhone :)

雖然唔係好識用, 但見用緊嘅個個讚好, 應該係好嘢黎嘅。操作容易, 快、靚、正, 越用越歡喜!



2010年1月26日星期二

交貨啦!

小如學校嘅義工活動 串串心思, 今日終於要交貨啦!



呢個就係我嘅製成品, 都 OK 架, 整咗 50 個呀....老花開始加深~~

2010年1月24日星期日

Grandma's birthday!

平時有咩喜慶, 多數出街食飯慶祝。今年奶奶嘅生日晚餐, 改一改留係屋企食。邊個煮呢? 哈哈, 由李家三位小姐負責, 我呢位家嫂只係負責食, 嘻嘻!

講到食物, 豐富囉 ~~ 有日式雜菜沙律, 安格斯牛扒, 甜品係梳乎厘 (Souffle)!

仲有小如煎緊嘅...法籣西鵝肝




香草焗蝸牛




呢孖鴨腿利害呀...都係來自法籣西!



樣樣都好好味架 ~~

2010年1月23日星期六

本地漁農美食迎春嘉年華

前两日經過花墟公園, 好似有展覽喎! 今朝送完樂樂去興趣班, 走去行咗一圈, 原來好多嘢睇呀!

本地漁農美食迎春嘉年華 顧名思義係關於漁農業嘅展覽, 好似工展咁啦, 有漁農產品、蔬果、特色食品等, 仲有好多蔬果嘅種植展覽....拿拿聲返屋企帶埋小如黎睇吓!

今屆嘉年華特選的主題產品是別具特色的本地石斑魚及本地有機番茄, 仲有架好似拖拉機比你影吓相。

場中間仲搭咗個水上人住果D屋嘅場景, 加埋個大魚池 (全部都係石斑黎呀), 都幾特別!

2010年1月22日星期五

Learning to draw

開咗個新玩具比樂樂玩, 係反斗車王嘅畫畫板。上面係畫板, 下面係四張圖教你畫, 睇吓, 好有心機咁玩呀!




可惜....唔夠一日, 個畫板比佢整爛咗啦, 唉!

2010年1月20日星期三

2010年1月18日星期一

睇場

同 Baby Kingdom 一班同年同月出世嘅 BB 唔經唔覺識咗成 3 年, 我哋呢班 BK0705 爛玩媽咪又埋頭搞 3 歲生日會啦!

1 歲生日會响朗豪酒店, 2 歲生日搞一日遊, 到今年 3 歲啦, 揾咗個好大嘅場地 (因為越黎越多人想參加我哋嘅活動), 可以容納100個家庭參加, 昨日同一搞手媽咪去睇場, 但係咩地點....要賣個關子先, 因為仲有D細節要傾! 但呢個場地所有嘢都好啱我哋, 又有小小户外活動嘅地方, 又有得玩有得食, 一流!

途經有隻着拜年裝嘅老虎, 好可愛啊!



2010年1月14日星期四

Dance festival

小如舊年九月開始入咗學校嘅 Jazz Club, 練習咗幾個月, 前兩日同十幾個同學代表學校參加比賽 ~~ 第46屆學校舞蹈節, 仲攞咗甲級獎呀, 恭喜晒!

其實平時响屋企佢都有跳比我哋睇, 不過着咗套靚衫, 化咗個靚妝, 係唔同D :) 原來小如係第一個用側手番飛出場架, 有體操底子嘅佢, 好鬼型! 佢哋隻舞叫 "Never too late", 宣揚下環保架, 整體黎講都跳得好好呀, 可惜唔比錄影啦, 為有影D相比大家睇!





返到屋企, 家姐再擺D鋪士比我影相, 樂樂即扮, 比佢笑到我手震....





2010年1月12日星期二

有朋 ~~ 自遠方來

爸爸嘅兩位陳年舊友黎探我哋。估唔到樂樂好 social, 又同人玩, 又傾計 (唔知講乜!), 仲人請食 M&M (自己咬一半先...)!

甜品時間, 嘩好味呵!






2010年1月11日星期一

郊遊樂

星期日同一班荃灣葵青 BB 回歸大自然, 郊遊元朗 大棠荔枝山莊

聽聞呢個地方好耐啦 (好多幼稚園小學嘅熱門旅遊選址), 但今次真係第一次黎! 原來好好玩架, 可惜小如下午要去跳舞, 爸爸拿拿林燒咗幾條腸仔同雞翼就要走啦!

我哋買咗套票, 可以任選 3 項活動, very good !
沙圈騎馬一圈;
牛牛車遊山莊一圈;
撈金魚;
甘荀餵飼馬匹;
鮮草餵飼小動物;
魚糧餵飼錦鯉魚
有機製成品一瓶;
有機蔬果一包。
呢個繩網陣, 可以玩半日, 樂樂一見到飛撲上去!



撈金魚, 小如好勁, 撈咗好多! 結果攞返10條金魚走~~



係咁塞隻羊食嘢





呢架牛車好特別 ~~ 果位馴牛師亞伯...齋 talk 隻牛聽晒佢話, 隻牛好勁 ~~ 識聽廣東話!!




親子單車, 又幾過引!

2010年1月8日星期五

串串心思

舊年,参加咗小如學校嘅整繩結義工活動, 話咁快一年啦! 今年又有「香港人∙香港心」義工大使行動, 今次係整吊飾 ~~





為咗要攞返張獎狀, 我要整 50 個呀! 睇完個 製作圖解, 大獲啦, 唔知講乜!! 再睇埋個 影片示範, 都唔明! 冇計啦, 頂硬上, 睇咗4次開始明D啦, 再睇多2次, 終於成功啦!

2010年1月6日星期三

樂園

久聞大名嘅九龍城樂園茶餐廳, 終於試咗啦!

一坐低就見到蔡瀾的題字-- '勝過鮑參肚翅', 加埋之前亞蘇介紹過, 傳媒嘅影响力真係不能低估。至出名嘅係奶茶紅豆冰, 梗要試吓 (事關奶茶同紅豆冰我都好鐘意)。真係好味喎, 多豆之餘仲唔係好甜, 奶茶又夠濃!

仲食咗個炸豬扒米添呀~~d 豬扒好脆, 除咗日式果種炸豬扒外, 未試過茶餐廳嘅豬扒係脆架, d炸粉仲有d葱花, 好好味! 不得不提係負責炸豬扒果位亞姐, 個卷髮好似 set 過咁架, 應該係老板娘啦!


最搞鬼係個餐牌上仲有 facebook account, 勁呀! http://www.facebook.com/lokyuen.kc


營業時間星期一至六:07:00-17:00; 星期日休息, 唔休做架。

2010年1月3日星期日

聖誕摩斯城

呢排成日去新世紀廣場, 每次都見到佢果個「聖誕摩斯城」大排長龍。小如記得今日係最後一日, 點都要去睇吓。



原來係好低能哋叫你扮偵探去揾摩斯城內的線索 (d線索好明顯架),揾到8個以上就有懸賞 = 麥提沙一包!


都好呀, 有朱古力食又有靚景影吓相!

2010年1月2日星期六

Avatar

大除夕晚冇得睇 《風雲》, 換來兩張元旦日嘅《阿凡達》, 去舊迎新, 抵晒!

James Cameron 自《鐵達尼號》後, 籌備及製作超過14年的最嘔心瀝血傑作, 真係好正 ~~ 一個字「勁」! 全球叫好叫座, 當然有佢過人之處 ~~ 人唔算靚, 但係景超靚, 仲有好似會走出螢幕飛埋身的3D畫面, 巨型外星生物, 加埋D字幕都識就位, 成3個鐘嘅戲, 毫無冷場, 冇得彈!