Clever boy!

用咗我部 iPhone 個幾月, 樂樂可以自行操作玩遊戲, 上 YouTube 睇兒歌, 完全冇難度!

繼續特訓

三月中, 小如會代表學校參加 全港小學校際體操比賽。其實早幾個月前已經比教練加緊特訓, 每星期練4次, 主要係練兩個項目 : 自由體操同跳馬。

早前小如都參加過兩個小型嘅賽事, 就係 YMCA ( 體操友誼邀請賽) 同 Caritas (又有體操比賽), 成績都唔錯呀! 今次代表學校同學界比試, 希望可以為學校爭光啦!

自由操嘅一個分腿跳動作, 教練要佢哋用彈床練 ~~

Wearing glasses?

見到媽咪帶眼鏡, 樂樂好多時都學架。但佢好似知道唔可以玩我D真眼鏡, 只會玩玩具果D! 今日帶咗 Mr. Potato Head 果副 ~~

睇書書

話咁快, 聽日就返學啦, 大家都要收拾心情, check 好D功課, 睇吓書。 "copy 皇" 樂樂見家姐同爸爸睇書, 拿拿聲去佢個書框攞本書一齊睇!

最後衝刺

短短一個多星期嘅新年假, 話咁快放完 ~~ 最後衝刺, 再玩多一餐!

A new name....

初二就係例行公事~~過澳門拜年啦! 呢幾日嘅澳門, 好凍呀 (7度)! 除咗去親戚屋企拜年, 其它活動都要室內啦。

Grand Lapa , 新的名字 ~~ 即係以前嘅 Mandarin Oriental Macau 囉 >> 一個我工作咗5年嘅地方... 名唔同咗, 同事唔同咗, 但仍然係好熟悉嘅感覺...



想當年如媽出嫁, 就係响呢度擺咗三十幾圍宴請濠江嘅親友!



呢個泳池, 我睇住佢出世架, 小如由bb果陣已經黎游水。今次再黎, 雖然冇落水, 感覺仍然好一樣吖!





一去到 children playroom, 兩隻嘢生猛晒, 係咁跑、係咁跳, 玩咗兩個幾鐘呀!

演出成功

Feb 14, 2010

小如有份演出跳舞嘅 2010 花車巡遊表演 (去28:32睇吓見唔見小如), 大年初一晚响尖沙咀文化中心舉行。跳舞學校冇安排家長去睇 :( 不過好彩有姑媽幫手, 我哋有飛去現場睇!

我同如爸兩個大鄉里 ~~ 從未去過呢D咁嘅盛會, 搞到開場前5分鐘先行到現場 (身水身汗添)! 好彩有朋友幫我哋揾埋位, 十行到啦, 查實都算前架, 財爺都係前我哋幾行之嘛!

趁有小小時間, 爸爸仲可以去後台影吓相, 小如見到爸爸, 勁開心!!





小如呢個造型係元寶呀!



天公真係造美, 唔係太凍同冇雨, 小如跳得好好呀! 真係要讚吓佢, 呢個表演D 排練時間好多, 初一仲係由1點集合, 到11點先放人, 小D毅力都唔得呀!





睇唔睇到邊個係小如呀? 小如仲話在彌敦道表演後, 有途人同佢握手呢! 因為電視有現場直播, 之後係電視上睇返, 真係有幾個鏡頭都見到佢架!

拜年啦!

點解中國人過新年咁忙架 ~~ 又要買新衫, 買花, 買糖果...辦年貨果陣周圍人頭湧湧! 由年初一起就不停拜年, 今年加上小如要初一晚去花車巡遊表演跳舞, 所以實在行程緊迫!

睇吓今年嘅新年唐裝衫先 :

人人都讚靚呀! 樂樂皮膚白, 着起粉紅色好好睇呀 :)

去拜年時大家仲玩 "魚蝦蟹" 添, 小如仲幫手搖骰!

細佬都有份落住 >> 睇吓幾咁緊張.....

元寶 look!

初一晚嘅 花車巡遊匯演, 小如有分代表 SDM 參加呀! 今日去咗彩排 ~~ 5pm 集合排到成 11pm 啱啱先返, 真係辛苦!

今次佢哋係配合 "春" 嘅主題, D表演衫好靚呀 : 有元寶、大桔、糖果等等。睇吓小如嘅元寶 look, 好靚喎! 但聽日好似話又落雨又凍 (唔知點搞!) 為有買定棉背心同暖包比佢, 希望天公造美呀, 祝演出順利 :)

剪個靚髮

剪個靚髮 ~~ 過新年啦!

行花市

行花市 ~~ 邊個行? 嘻嘻係樂樂行呀! 佢學校搞咗個「劍嗚花市」, 有得行, 有得玩, 不知幾開心啊! 我就去幫手做義工, 負責呢個如意吉祥拋大桔嘅攤位。

睇吓佢, 扮晒嘢, 又打鼓又舞獅! 可惜冇着中國衫 ~~ 唉, 冇拿拿廿幾度, 梗係唔着得棉褸啦！

最抵讚係學校仲印製咗 D 福袋, 仲有錢比佢哋試吓買糖果同桔, 雖然唔係真錢, 但樂樂就係咁話 shopping shopping! 非常享受啊!

iPhone 之魔力

咪以為淨係媽媽愛上 iPhone....樂樂都愛不釋手! 成日上 YouTube 睇卡通, 兒歌....仲有玩遊戲添 ~~ 佢哋係咪叫 「二千後」 呢?

玩完仲話自己 good boy, 哈哈!

迎新春

踏入二月, 好快新年啦, 要整返D佈置迎新春先 ~~

樂樂的成績表

今日學校家長日, 派咗樂樂的第一份成績表 ~~ 17 個評分有12個A, 同5個B ! 唔錯呀, 因為佢語言發展比較慢, 有3個B; 體能發展一定冇問題啦; 而智能發展 (即係考試內容) 都好好, 全部考嘅嘢都識晒呀!

評語:
處事有主見, 富好奇心, 熱愛探索四周事物 >> 係佢啦, D老師嘅觀察力好强啊!

喜歡唱遊活動, 能配合音樂旋律做出各種不同的動作 >> 咁勁? 遲D要同佢上吓音樂班先得。

除咗成績表, 仲派咗呢幾個月响學校影嘅一D相, 成個 box file 咁, 好靚呀! 依家D學校真係好, 收得你錢, 都比返D嘢你睇吓, good!

Thomas and friends

班爛買媽咪, 最近响 「淘寶網」 group order ~~ Thomas 車仔。 我好懶揀....所以買咗24架, 嘻嘻! 屋企本來已有一 set 路軌, 不過好細呀, 所以我淨係比咗十幾架佢玩吓先, 幾開心呀!

每架車仔底下都印住個名 (查實我淨係識 Thomas, James, Percy and GordOn), 所以揾咗呢個官方網站黎惡補一吓 Engine Depot!