Reading a book...

樂樂呢排終於有時坐定定睇吓書, 雖然佢有時會高難度倒轉本書黎睇, 但見慣佢冇時停嘅我哋, 睇到呢個情境真係覺得好開心!

Sooooo hungry!

一家大小慶祝公公嘅生日, 唸住小如考試, 近近地揀咗如心廣塲 陶源酒家。好彩咁近, 因為樂樂又唔舒服, 唔洗去咁遠好方便。

可能我哋人多, 酒家比咗間房我哋, 環境一流。食物質素點? 都幾好喎! 冇叫魚翅, 冇叫鮑魚...一家人齊齊整整, 食家常便飯都好好味。

聽聞呢度嘅乳豬非常出色 ~~ 事實上真係幾出色, 色香味俱全! 樂樂發咗兩日燒, 冇晒胃口, 一見到就 >>>

仲有叫咗大炮星--->咩黎? 我哋都係第一次食喳, 係一條幾十斤重嘅魚喎, 一魚三味又幾好食噃!

總括黎講, 對呢餐飯都好滿意啊!

發燒..又要面試, 點搞?

小如前幾日開始咳, 尋晚終於傳染比樂樂啦, 佢冇乜咳, 但係發燒! 拿拿聲去睇醫生, 因為今日要去劍鳴面試, 如果因病改期一定要有醫生紙。

返到屋企樂樂都仲有燒。每次發燒, 佢就好大脾氣 ~~ 因為佢勁怕熱! 一覺訓醒, 好似好返好多。所以最後都决定帶佢去 N1 嘅面試。

今次嘅面試 look ~~ 好醒目! 但表現就....唉.....





有兩個朋友都有仔女在 劍鳴幼兒園 讀書, 對學校嘅評價很不錯! 主要係老師跟家長聯繫密切, 好關心小朋友嘅發展; 學校常常仲會安排活動及課外探訪, 增加小朋友對社會嘅認識。

對一間有成千人投考嘅幼兒園黎講, 安排上一定唔錯。面試前交齊資料, 比小朋友玩一陣, 比約定嘅面試時間只遲了15分鐘左右。

6個小朋友一組, 由一位家長陪住。首先玩一陣玩具, 熱吓身; 跟住就要坐低聽故事。樂樂當然冇坐定啦, 幸好根據如爸形容 ~~ 其它幾個坐低嘅都冇乜反應。接住落黎係玩爬隧道, 但樂樂冇開心不特止, 仲唔想爬, 喊添呀! 陰公 ~~ 可能佢真係好唔舒服。到最後一部份係玩樂器 (平日係佢最仲意嘅), 都冇心機玩! 出返黎見到門口D老師先做拜拜嘅手勢。

其實真係冇其望一個病緊嘅 21個月大小朋友, 表現得好好, 但係今時今日嘅小朋友, 真係好可憐! 有時唔係父母比壓力, 而係周圍嘅人同社會嘅壓力 >> 講說話都未識就要面試, 唸起都覺得有D離譜!

表演魔術

近來樂樂愛上咗玩按摩椅 : 唔係按摩, 係玩變走自己!



哎乜, 遮唔晒添!



失手啦, 再練吓添啦...

中頭獎!!!

活潑好動嘅樂樂, 跌損撞親 ~~ 日日都發生架啦! 但係呢次撞得好金...額頭瘀咗雞蛋咁大撻, 嗚嗚嗚! 喊咗一陣就收聲, 點解??



有止痛散 >>> 朱古力囉!

又買親子 tee

舊年為慶祝樂樂生日, 買咗 1 set 親子 tee ~~ 寫住 dad, mum, me 架呢?

今年又再响網上搜尋吓, 見到呢 set 都幾得意喎! 吓...冇咩特別?



後面好得意架!



可惜黑色嘅大人 tee 冇貨, 如果唔係四件唔同色都幾搞鬼呀! 依家為有媽咪爸爸要白色 >> 都好呀, 仲可以扮埋情女裝添!

閑逛出口店

上次去唔到九龍城出口店, 今日趁樂樂返學, 我响荃灣搵到呢D:

$29.90 一件嘅 Timberland, very good 噃! 質地好, 款都唔錯呀!

仲可以整一 set 姊弟裝添!

Monster Burger

我自問係一個唐人 >> 鍾意食過橋米線呀, 車仔麵呀...

但如爸同小如係西人 >> 鍾意食 pizza 呀, hamburger 呀...

如爸講咗耐...話帶小如食一間超正嘅 burger, 但係响中環噃, 咁遠! 今日總算有機會啦! 小如去完金鐘英國文化協會考完 flyers, 即刻兜去中環試吓有幾正。



呢個咁勁嘅豬朳漢堡, 肉質鬆化多汁(咬落仲有小小脆), 加上蕃茄生菜野味沙律醬, 新鮮整出黎, 好味到吖! 麥記果D, 真係....

小如成個食晒!



冇飽飽食, 細佬為有食枝奶啦。



呢排樂樂好以大食積, 成枝食晒之仲咁個樣, 點搞呀!