自製 tunnel slide

有時真係不得不讚小如同樂樂有幾 creative! 小如細個果陣見到D咩特嘢, 好快可以自己整一個類似嘅出黎, 例如用紙巾盒、橡筋、鉛筆+膠紙可以整個小提琴出黎; 又或者同A4紙、橡筋+釘書機可以整條雙折棍等等, 創意無限!

今回輪到樂樂將隧道同滑梯來一個二合一! 咁都得?

一人一花

樂樂嘅學校為響應康文署綠化校園計劃, 搞咗個「一人一花」活動, 目的係希望小朋友可以参與種植嘅過程。由依家開始種一盆<<石竹>>, 到出年三月先交。我第一樣唸到嘅嘢係...洗唔洗買定幾盆以防萬一!

見到個盆栽, 好明顯樂樂仲未明白點種同做咩要種, 因為佢想成盆倒出黎呀!!

fishing and sleeping

以前放學返黎樂樂會訓個零鐘, 跟住玩一陣同食飯。依家開始有時掛住玩, 唔肯訓晏覺! 一到食飯, (個人又為食) 見到豬扒, 雞翼, 牛肉等等就猛叫 meat meat; 但又好眼訓喎 ~~ 有咩後果....

Sports day

小如學校嘅一年一度運動會又黎啦! 今年有小小特別 >> 係學校請咗靚仔體操王子李小鵬黎傳火炬! 身為學校體操隊成員嘅小如, 都有幸成為傳送火炬嘅同學之一 :)

至於比賽項目, 今次小如参加咗 4x100m 接力賽, 可惜只得第四名!

等家姐教吓你點起跑啦細佬!



又學得幾快噃!

遊公園

今明兩天都要去 Victor 學校做義工, 趁今朝有個空檔, 約咗同兩個朋友去美孚西鐵上蓋公園玩。個公園好大, 仲有唔同嘅兒童遊樂設施。

雖然4個小友都唔同年紀, 但都玩得埋架! 例如一齊玩吹泡泡啦 ~~

巧虎遊戲書

早前提過訂咗 巧虎, 估唔到樂樂咁仲意睇本遊戲書! 朝朝起身第一件事話 "炒 cool" (佢嘅巧虎普通話發音), 要睇書!

不過呢本書真係好好質料, 今期講自己食飯, 做到本書可以比你餵巧虎食嘢, 好好玩~~

仲有講家居安全, 有咩唔應該做 (雖然跳梳化, 開櫃筒等等佢全部都成日做), 樂樂好有心機睇呀!

飲喜酒

上星期有位認識多年嘅 uncle 嫁女, 帶埋小如樂樂去飲。

樂樂返學所學嘅嘢, 我唸真係好多! 正如老師所講, 佢好記性, 所以學得快。正當人哋一對新人準備宣讀誓詞, 有人示意大家靜D, 樂樂就擺隻食指响個嘴度話 "薯", 比佢笑C!




第一次去呢間汀九橋底嘅酒店, 門口仲有中、西式嘅佈置比D新人影相, 幾靚架!

高尚遊樂場

呢個位處九龍區高尚地段嘅遊樂場 (Elements 樓上), 原來都好好玩喎! 好多不同遊玩設施, 大人、細路都啱玩, 最難得係 ~~ 好乾淨!





樂樂真係冇有怕, 咩都夠膽玩, 見爸爸同家姐玩呢個玩意, 搶住又要玩!