Holiday activities

呢個假期只不過係一星期, 但係都幾多節目 :) 咁多時間玩過D咩? 去馬會 playroom 啦, 公園啦, 冒險樂園啦, shopping 啦...好忙啊!

Disney's Magic Music Days

呢間跳舞學校, 真係好得! 只要你肯比錢, 演出機會隨之而來 :)

繼新年表演過花車巡遊後, Easter holiday 又有迪士尼巡遊玩啦 ~~ 因為唔係咩大型演出, 今次只係排咗幾堂喳, 可能小如有演出經驗, 都跳得好好!

因為係巡遊, 跳兩分鐘又走, 再跳兩分鐘又走....D 爸爸媽媽就好似追星咁, 由城堡追到出門口 (我仲推住樂樂架車仔一齊追)!

但見到小如全程充滿笑容, 睇得出佢好開心, 乜都抵返晒。

enjoy reading

新款自己設計睇書坐椅 ~~ 自得其樂!

渡假

呢個假期, 我哋仲黎咗呢度渡吓假 ~~ 雙魚河鄉村會所

第一次黎住, 都唔錯呀! 除咗冇得搭飛機同天氣差咗D之外, 好似去咗泰國咁。

但因為落雨同天氣清涼, 所以水就冇得游啦。行行企企食吓嘢, 玩吓 indoor playroom 玩吓 outdoor playground, 好 relax!

跑跑 跳跳 >> 真係可以舒展筋骨。

復活節嘉年華

假期活動嘅第一砲係同一班 BB friends 去黄金海岸遊艇會參加個復活節嘉年華。有得食有得玩仲有表演睇添!

呢個彈彈城堡好受歡迎~




游泳池仲變咗身 >> 可以撑艇同玩水上單車。小如第一次一個人撑, 好叻呀!





梗係唔小得同復活兔影相留念啦!

好抵的三本書

假期開始, 行吓街街先! 見到有圖書大減價, 買咗呢三本 ~~ $10 本, 好抵啊!

樂樂依家好仲意睇書, 每晚臨訓覺前都要睇書。因為佢破壞力超强, 所以唔敢去圖書館借比佢睇, 買呢D平平哋就至正啦!

Happy Easter

放假啦!

第一日就收到朋友仔 Audrey 寄黎嘅 Easter card, 好靚啊 ~~ 佢媽咪教佢整架, 好有心思 !

復活節小手功

樂樂讀果間幼兒園, 返學返到尋日 (洗唔洗咁勤力呀?!)

放學拎住呢個紙籃+雞仔, 好得意啊! 樂樂由學校一路拎住, 到返入屋企都冇離過手, 可想而之幾咁鍾意 ~~



原來隻雞仔仲係上鍊識行添噃, 學校真係好有心思!