扮女仔

家姐冇啦啦攞左件斗蓬幫細佬着, 搞到佢成個女仔 ~~

上台表演

體操教練安排左小如成班學校體操隊員上台表演, 呢個 "中秋迎月樂融融晚會" 都有成百幾人睇架! 小如第一次上台表演, 都幾有水準, 所有動作都做得好好! 10 個同學仔雖然唔係練左好耐, 但都算好合拍。





第一次黎呢個塲地, 原來呢個 西營盤社區綜合大樓 都幾有特色架!

吃曲奇

今日好多朋友黎屋企玩, 買左好多野黎 ~~ 有2舊水一個嘅日本蜜瓜, 幾十蚊一盒嘅巨蜂提子, 魔鬼蛋糕, 同埋小如樂樂至愛嘅 Mrs Field's 曲奇!

睇吓樂樂有幾喜歡 :)

做個小領袖

暑假果陣除左去2星期嘅日營之外, 小如仲第一次去左個3日2夜嘅宿營! 去完返黎佢話好好玩, 仲黑左好多! 收到D相, 先知原來真係幾好玩架 ~~

個宿營响黄宜洲, 要搭一程船先到。

好多活動同訓練....自己洗衫添呀! 8個人一間房, 小如話佢訓上格, 好過引!

戶外活動有挑戰自我嘅, 亦有團體合作嘅。

仲有黑夜矇眼探險, 幾刺激咁呀!

認字

由於平時大部份時間都用英文同樂樂溝通, 睇碟、兒歌、字咭等都係, 所以佢識嘅字都係英文。點解唔教佢中文? 因為佢講野唔叻 (比同齡慢, 仲係未識講句子), 為免混淆佢所以淨係教英文先囉!

日常生活上好多物件佢都識架, 仲有1-10, 顏色, 形狀等等, 發音仲超搞笑:

卜芹 = broken

古白 = school bag

i 人 = iron

squid = square

嚇c 狂 = hexagon

呢期凡親屋企有果樣野, 仲要將張字咭放响上面....即係咁:

樂樂學中文

返左 N1 差唔多一個月啦, 雖然仲有時會喊, 但樂樂真係識多好多野 ~~ 包括人、口、手!

Fishdad's birthday

是晚預祝如爸的生日, 大閘蟹加高膽固醇晚餐一頓....

九龍城買嘅蟹, 都 OK 啦, 雖然唔係大隻, 都有好多膏噃。仲有乜餸? 走地嘉美雞, 黄金老虎蝦, 椒鹽鮮魷, 一孖芝麻班, 花膠螺頭煲雞! 不得不提係生日蛋糕同雪糕 ~~ 巧正! 係哋間 awfully chocolate 嘅出品 : Chocolate Banana Cake 同 "hei" ice-cream, 極之好味 :)

Look! Yum Yum Yum!

Kids Fit 大搜查

今年暑假, 小如參加左兩個 camp, 一個係五日嘅日營"Kids Fit 大搜查", 另一個係三日兩夜嘅宿營"做個小領袖"。

啱啱收到佢哋當時影嘅相, 其實真係好值得比小朋友參加呢類型嘅活動。點解? 小朋友可以從遊戲中學習點同人相處, 合作, 思考, 創作, 解決難題, 挑戰自我等等, 比起自己响屋企玩, 一定有更多得着。