Yummy cake ~ DIY

小如參加過好多整餅班架啦, 但今次係同D大人一齊整, 大部份過程都係佢自己做架。

呢個芒果凍餅, 係佢整過咁多次蛋糕...最好味嘅一個, 成個食晒, 一件都冇淨呀! yUmMy YuMmY!

親子 tee

最近又買咗 1 set 親子 tee! 今次係麵包超人係列呀 >> 可以當母女 tee, 父子 tee, 姐弟 tee, 情侶 tee 都得架, 咁多種着法, 抵晒!

又有獎攞

今次係 YMCA 體操邀請賽, 又攞冠軍啦!

因為上次去學界比賽, 小如同幾個同學攞咗分區團體冠軍, 所以今次教練只準佢哋參加團體賽, 個人賽留比其它小朋競爭。雖然只參加團體, 小如都有比心機架 ~~ 自由體操同跳馬都係第一名呀!



除咗有獎牌攞, 仲有獎盃添呢!

Beautiful teeth

經歷咗差不多一年嘅箍牙歲月, 當中嘅辛酸痛楚, 實在不為外人道。

今日, 小如有返排靚牙啦!!

我的新鞋

女人, 真係個個都鍾情買嘢 ~~ 乜都仲意買!

最近响 D 靚媽咪介紹下, 黎咗 呢度 買鞋 :) 睇吓 D 戰利品呀, 好抵架!

My baby!

成日都想樂樂返去細個BB時, 因為果時十幾磅, 唔識爬, 唔識行....任你玩。依家牛高馬大, 三十幾磅, 擒高擒低, 話極唔聽 !

今日冲完涼, 佢話係 BB 喎 ~~



What's inside?? see!

I-family

自從換咗部 IPhone, 繼而就買咗部 ITouch 比小如, 到最近姑媽由美國帶返黎嘅 IPad, here we are....I-family!

Wedding banquet at W

W ~~ 一聽就 expect 係正啦! 果然呢個婚宴真係唔錯!

Ballroom 唔算大, 只可容納二十圍左右。但裝飾, 服務, 視聽器材....都係讚嘅。Ballroom 門口有人咁高嘅 LCD display, 新娘新朗嘅結婚相好靚; Ballroom 樓底高, 天花嘅燈飾好潮架; 每一碟餸都係熱辣辣嘅; 全晚嘅待應清一色男嘅, 服務好好!



Centerpiece 都精美過人, 簡單得黎好靚!



適逢係父親節, 新娘話呢個婚禮應該係送比爸爸最好嘅禮物!

主人家仲準備咗小禮餅作為回禮, 好有心思 ~~ 謹祝新婚愉快!