I like reading

其實暑假消閒活動之一, 去圖書館都唔錯架! 又有冷氣嘆, 又可以訓練佢靜靜地睇書。

小如的手工

暑假咁長, 梗要安排D活動比小如啦! 今年參加咗間新嘅 Infiniti Education Studio, 呢 D 係佢嘅作品呀!

New challenge for Victor

離開「劍鳴」, 樂樂今個星期起要接受新挑戰啦 ~~ 到新學校「樂基」上暑期班! 為期兩星期, 比佢熟悉吓新環境!

雖然係新學校, 樂樂冇喊喎, 都幾 OK 咁! 點知星期三就收到電話....話校長想同我見見面!! 今日見咗啦 ~~ 原來樂樂上堂唔係太聽指令 (that's him!!), 又唔仲意睬你同望你 (that's him too!!), 仲有成日爬爬 (呢樣比較奇怪, 因為响屋企冇咁喎!)。

呢位校長真係幾有經驗, 佢話樂樂爬爬可能係陌生環境, 缺乏自信所致。事關爬爬嘅動作, 小朋友嘅視線只係水平以下, 換言之唔洗望人, 唔洗理你! 同我見面係希望了解多點佢平時嘅情況, 盡快幫佢適應。

真係覺得呢間學校幾好, 返咗三日學, D 老師就有認真觀察所有小朋友, 希望 樂樂9月返K1果陣好D啦!

new hair style

放暑假, 個個女孩子都希望擁有一頭鬈髮, 小如梗唔例外啦!

電髮中....



搞掂! 但係佢話唔夠鬈喎....

新拖鞋

唔係我嘅新拖鞋...係 iPhone 嘅新拖鞋呀! 好可愛呢!

樂樂 ~~ 冰上行

學咗溜冰兩個月, 終於識行啦!!

夏水禮

上次話說見到電視廣告, 海洋公園嘅下水禮好似好好玩咁喎! 唔去試吓點得呢?

趁住小如生日果日唔洗比錢, 我好勇呀 (as usual la) ~~ 一抽二 "lung" 去玩! 但發覺其實係啱小如玩多D! 樂樂見到乜都想玩, 但樣樣都唔夠高, 只好睇住家姐玩囉! 佢淨係走拿走去, 追到我索氣 ~~ 所以隔咗兩日, 我同小如又去過呀! 今次唔洗睇住細佬, 舒服晒!

Bye bye PN

一年幼兒班的生活, 咁快就完結啦! 真係好多謝老師們的悉心照料同教導, 無論係學業上定係認知方面, 樂樂都有明顯進步。

學校仲為每位小朋友整理咗一本相簿, 裡面收集咗一年內幼兒園嘅一D相片, 實在十分有心思。

我都係响入面先見到佢生日果時影果張相 ~~

仲有呢張戴晒四方帽嘅 (雖然要比錢, 但真係幾靚! 你知啦, 好難引到佢望鏡頭同咁正經架!)

very nice!