尋晚同一班一齊搞今年 BB 生日 party 嘅義工媽咪出黎慶功 ~~ 無錯, 搞完 party 四個月先慶功.....正所謂有心唔怕遲吖嘛! 亦都話比大家知, 無論在職定係全職媽咪, 都好忙架！
雷曼倒閉, 經濟唔知會點, 因為自掏腰包慶功, 又想平又要靚, 終於揀咗旺角嘅 稻香迎囍大酒樓。 話晒係慶功宴, 梗係唔可以馬乎, 叫咗又平又正, 抵食夾大碟嘅 飛鴿傳聖旨宴 , 個伙記話條東星有手臂咁長, 真係無講大話, 仲有果碟糯米飯都好正!
十個亞媽坐埋一齊有咩傾? 當然係有數之不盡嘅話題啦: 天文地理, 行街 shopping, 生仔坐月, 湊仔讀書, 咩都傾一餐! 傾到淨返我哋一枱, 差Ｄ比人趕我哋走 >>>>>
沒有留言:
發佈留言