歡樂時光, 自得其樂!

屋企樓下既 playground, 平時冇咩人玩! 但無損樂樂既心情 ~~ 自得其樂!

我都好奇怪點解佢爬得咁熟練, 原來佢老豆教佢~~

臨別依依

返咗呢個 English Adventures playgroup 都有半年時間, 因為好認同佢嘅教學理念。但下個月開始就唔再返啦 >>> 因為樂樂要迎接新挑戰, 試吓自己返學, 唔洗媽咪陪啦!

好掛住呢塊 dayboard, 呢條滑梯, 呢個查查, 仲有超級市場呢枝棍。呢幾樣野都係佢最仲意玩架！

Halloween party ~~ so funny!

同一班 BB friends 開 party, 個個B 都要扮吓嘢, 好搞笑!

呢個年幾嘅 BB, 個個都仲意走黎走去, 所以我地放棄去餐廳, 去咗體育館嘅活動室, 任佢哋走! 個個都有扮嘢呀, 樂樂扮南瓜......一個識玩單槓嘅南瓜!

仲有男女甲蟲啦, 男女海盜左, 吸血彊屍啦, 女巫啦, 小蜜蜂啦, 仲有紅白小公主, 真係好得意架!

Kids party

今時今日, 約朋友食飯都會揀D有嘢比細路玩嘅地方。今次去咗 Football Club, 個 playroom 好大好好玩! 五個細路 >>> 四個男仔! 得小如姐姐一個女仔.....真係好掛住侯氏姊妹花!




三個豬年 BB, 一個鬼仔樣但流利廣東話 (識講80個中文字), 超搞笑; 一個可以坐定定自己食晒成餐飯 (係自己叉哂成碗意粉); 雖然樂樂最細, 但係就淨係識走黎走去, 坐唔定兩分鐘!!! 樂樂~~你幾時先大個?

打邊爐

同班媽咪 friends 去九龍城打邊爐, 定咗位去到都要等, 又話金融海嘯, 咪又係咁多人出街食飯。之前未去過方榮記, 真係幾正! 最好笑係個爐.....個樣係炭爐, 原來內面係用gas架, 但都幾懷舊呀! 沙嗲同番茄湯底都好好味！

灣仔嘅轉變

又同兩個陳年老友食飯, 今次食我地最愛嘅日本菜。自從冇係金鐘返工, 好少去灣仔啦! 一憧 J-Senses, 令到船街變得好潮喎!

我地約去 "誠" 日本料理, 新開幾個月, 環境幾好, 仲有個大露台, 幾 relaxing。食評好似麻麻地, 但我又覺得食物質數 OK 啦, 最欣賞佢嘅爐端燒.....燒牛俐好正, 燒大煆仲正, 燒魚最正!

老細仲同我地傾咗一輪, 知到大家都係澳洲 friends, 又送紅酒, 又送白酒, 又送鹽燒大煆, 仲送埋 VIP card 添呀！

自己返學

我呢個全職媽咪, 由樂樂6個月就陪太子讀書, 話咁快都陪咗一年啦! 下個月樂樂就歲半啦, 終於比我搵到 Joyful English Centre, 係佢自己返架, 可以訓練吓佢嘅服從性同獨立能力。初初返, 揀咗一星期兩日, 每堂1.5個鐘嘅班試一試, 呢間學校口碑都唔錯呀, 仲好認真添, 有書包、有校服。

Music class

上音樂堂, 好開心, 最仲意打喳喳同玩呢兩枝掍。音樂感無乜, 好似磨利刀多Ｄ囉! 睇黎樂樂大個會係個武夫.....

Rain shower ???

樂樂一向都好喜歡沖涼, 細個坐係盆沖bath, 可以玩好耐。近幾個月為咗方便, 轉咗用花灑 ~~ 都一樣咁仲意! 呢排咁樣沖, 係味好似 rain shower 呢..... 幾嘆呀!

新電腦

自從五月開始寫網頁 (http://www.fishmum.com/) 同 blog 之後, 如爸開始稱呼我 IT mum。

為左令我更有效率, 我地換個部新電腦! 由揀牌子到型號都係如爸一手包辨 (當然包括埋比錢 $$$), 體積細好多不在話下, 當然係快好多啦！但要將舊電腦 D 野轉過新電腦, 對如爸黎講都有小小難度! 手寫板又要整, D 相呀video 呀又要整, 所以都有幾日冇寫 blog 啦, 要追返先得。

糖醋骨

如爸好鐘意食糖醋骨(上海式果隻)。唔識整? 今時今日上網搵吓, 好多方法架。

呢個係我將幾個方法夾埋, 好味又好容易嘅!

材料：
一斤排骨(一字骨)
蒜頭四小粒(不用切)
蔥四條
薑兩厚片

調味：一湯匙紹酒、二湯匙甜醋、三湯匙老抽、四湯匙冰糖水、五湯匙水

製法：
(1) 先將所有調味料(除咗水) 攪勻作醬汁, 醃透排骨
(2) 將蒜頭、蔥同薑起鑊
(3) 然後將一字骨落鑊煮7分鐘
(4) 加水用慢火燜半小時即成

(註：燜排骨既時間越長越入味，但注意火候，醬汁收乾便要加水)

★ 排骨要用大肋骨排，全條帶肉，再切成約 1 吋長，就最易炆腍入味。
★ 醋要用鎮江醋(食大閘蟹果隻)，醋味醇厚帶香，不要用錯白醋或紅醋，只會增加酸度。
★ 棄用砂糖改用冰糖，可令排骨顏色光澤，越煮越令。

17個月啦, 新髮型

今日剪咗個新髮型!

髮型師, 梗係媽咪啦。其實由樂樂七個月起我就幫佢剪架啦, 用咩黎剪?

我用 Conair BB haircut kit。個電刨專為兒童而設, 可以較4種唔同長度, 又有埋圍巾, 仲有本書仔俾小朋友睇, 可以分佢心, 呢隻仲有靜音, BB 唔會驚。

樂樂都玩 Facebook ?

高科技年代, 學校日日要做網上功課, 生活真係好似唔可以缺少電腦既知識 ! 話唔定第日返學唔洗帶書包, 淨係帶 laptop ..... 樂樂都要拿拿聲學啦!

姑媽最近教咗小如玩 Yoville -- > Facebook 既一種新遊戲, 你要返工賺錢, 然後可以買傢俬佈置吓屋企, 仲可以買衫買鞋買太陽眼鏡, 好好玩架!

一年一度 ~~ 又有游水比賽

小如舊年有參加屋苑舉辦既游水比賽, 仲攞冠軍添!

今年八歲, 升左乙組 (8-11 歲), 細佬都要幫手打氣~~


但今次D 對手高佢一個頭..... 一番努力下, 結果都有一項比賽攞季軍。




都係志在參與, 玩吓開心吓啦, 睇吓比賽實錄啦！

食雪條

嘩睇吓, 搶住黎食呀!

香港人。香港心

小如學校參加咗社會福到署主辨的 "香港人。香港心" 義工大使行動, 會幫手編織繩結, 初步估計全港會編織超過四千八百條繩結並將於明年一月期間探訪老人院時作紀念品之用。

點樣整?

睇完 編織繩結示範圖解 都唔係好明! 好彩學校D義工家長安排咗工作坊, 真人示範梗係易學好多啦! 話咁快整好啦, 睇吓件製成品 ~~ 唔係整一條, 整咗二十條呀！

Macau Trip

都好耐冇去澳門啦!


近年澳門嘅轉變, 快到你唔信。 今次去....連八佰伴都搬埋! 但係其實仲有好多幾廿年前嘅本土風味嘢, 仲响樹囉! 知唔知呢到係邊樹呢? 唔係馬交人, 我估你一定唔知!



睇真Ｄ, 睇真Ｄ!



話明冰室, 梗係食凍嘢架啦, 紅牛, 黑牛, 黃牛乜都有! 雪糕係自家製 ~~ 但如果鐘意食 creamy 嘅, 呢到就無啦! 呢到D雪糕好似 sherbet, 好多種味架。 我呢個係薑汁牛奶雪糕涼粉, 好正啊！

做人父母...甚艱難

尋晚樂樂又跌親個頭! 跌完仲流鼻血, 成家人都好担心 :( 但好快又走黎走去, 見佢好似無乜嘢, 就無去急症。

一早見佢又流少少鼻血, 都係睇吓醫生穩陣D! 其實今朝約咗兩個朋友去綠楊幼兒園交表報 N1, 唸住拿拿聲交完表就去睇醫生!

豬年效應真係咁恐佈.....交表之麻, 我唸我哋前面有成百人! 好彩同行兩個朋友幫我排住先, 趁空檔去睇醫生。去到診所, 又係等.....

睇完醫生再返去綠楊, 先啱啱到我哋交, 排咗兩個鐘, 12 月仲要面試, 嘢又未識講, 唔知點 In! 洗唔洗好似小如報一年班果陣咁整返份 CV ???

今時今日做父母嘅....真係好艱難, 依家只係個開始!

Say Cheese Please! 粒粒巨星

久不久都會睇吓 Parents' Journal, 唔同其他 BB 雜誌, 呢本幾多嘢睇 --- 由大肚到幼兒教育, 健康常識, 旅遊, 城中好節目等等都有, 加上同一個 topic 有中文有英文, 學到好多嘢!

今期 (Oct 08) 登咗樂樂張相呀! 哈, 唔係呢個 .....



係 "Say Cheese Please" 中間扮大廚果個至真~~



大家如果都想 BB 嘅得意照片比佢哋登出黎, 可以 e-mail : info@parentsjournal.com.hk, 或者去佢哋個網站 upload, 揀中你張相, 仲有禮物架!

每日一進步

今日學識自己拮西梅食

架車新嘅一樣!

做咗師奶司機咁耐, 技術都 OK 啦! 點知上個月一個唔小心, 整花咗架車! 唔洗担心, 唔係撞車, 只係入停車場轉彎 "high" 花咗!


整車呢個行業, 好似賣海鮮咁, 好海鮮價! 去車房街問吓點整呀, 幾錢呀.....我覺得Ｄ師父係随口噏囉。好彩最後都比我揾到間又老實, 又盡責, 又快嘅車房, 兩日都唔洗整完, 仲幫架車執返晒其它嘅傷痕, 好神奇地點樣都睇唔到有整過嘅痕跡, 新嘅一樣!

愉景灣探 BB 之旅

愉景灣呢個地方, 真係好得意! 感覺有 D 似係外國嘅唐人街 --- > 鬼佬多過唐人! 沿途好多幾層高嘅樓, 好多公園仔同小朋友遊樂場設施, 家家户户樓下都泊有單車。 條街淨係得巴士行, 好清靜, 久不久只有D好似打 golf 用嘅小車行, 完全唔覺呢到係香港!

朋友屋企好靚, 有幾層, 有露台有天台--連天台都係複式 :)

小BB係混血兒, 好靚仔....未見過個鼻咁高嘅 BB! 我哋成班大人吱吱喳喳, D小朋友走黎走去玩猜樓梯, BB都無被嘈醒, 後來醒咗都冇扭計, 好乖仔。

未生 BB 嘅朋友留意 ~~有小朋友嘅屋企真係熱鬧好多!