糖醋骨

如爸好鐘意食糖醋骨(上海式果隻)。唔識整? 今時今日上網搵吓, 好多方法架。

呢個係我將幾個方法夾埋, 好味又好容易嘅!

材料：
一斤排骨(一字骨)
蒜頭四小粒(不用切)
蔥四條
薑兩厚片

調味：一湯匙紹酒、二湯匙甜醋、三湯匙老抽、四湯匙冰糖水、五湯匙水

製法：
(1) 先將所有調味料(除咗水) 攪勻作醬汁, 醃透排骨
(2) 將蒜頭、蔥同薑起鑊
(3) 然後將一字骨落鑊煮7分鐘
(4) 加水用慢火燜半小時即成

(註：燜排骨既時間越長越入味，但注意火候，醬汁收乾便要加水)

★ 排骨要用大肋骨排，全條帶肉，再切成約 1 吋長，就最易炆腍入味。
★ 醋要用鎮江醋(食大閘蟹果隻)，醋味醇厚帶香，不要用錯白醋或紅醋，只會增加酸度。
★ 棄用砂糖改用冰糖，可令排骨顏色光澤，越煮越令。