唔係講笑 ~~ playgroup 都有成績表!
上咗 Kidz-n-Us 嘅親子班 5 個月啦, 咪以為返學唱吓歌, 跳吓舞, 油吓顏色...原來暗地裡有評估架! 評分標準分三部份: 學習表現、體能發展及語言發展。
學習表現: 係上課時聽唔聽話, 有冇規舉, 對學習嘅興趣, 同其它小朋友相處等等。呢部份 OK 啦! 樂樂平日除咗响課室行黎行去之外, 大部份老師指示做嘅野佢都得架 (當然表現唔算好好, 呵呵!)
體能發展: 一流啦! 唔止大肌肉, 樂樂嘅小肌肉都好得, 手眼非常協調。
語言發展: 呢樣就梗係麻麻哋啦....因為佢仲係一個未返地球嘅太空人(能操流利太空話 = 唔知 up 乜)!
除咗奶奶同拜拜之外, 近來都講多咗好多野, 好似識發 B、I、N、G、O 嘅音, double = W, 見到大架車會話巴時, 見到看更會叫姨姨, 都算有進步啦!
總括黎講都唔錯啦, 一如 Miss 嘅評語: he is improving...
2009年3月30日星期一
2009年3月28日星期六
2009年3月27日星期五
Easter Eggs ~~
今日家姐早放學, 我哋玩整復活蛋!
預先買定兩款唔同大小嘅發泡膠蛋, 比樂樂試吓畫! 當然佢冇跟我教佢咁去畫, 睇吓係咪似炒餸多D??
家姐就梗係似樣好多啦, 幾有心機, 仲好有創意添!
預先買定兩款唔同大小嘅發泡膠蛋, 比樂樂試吓畫! 當然佢冇跟我教佢咁去畫, 睇吓係咪似炒餸多D??
家姐就梗係似樣好多啦, 幾有心機, 仲好有創意添!
2009年3月26日星期四
Happy school days!
上星期冇返學, 今個星期仲驚樂樂會喊。 點知好乖喎, 自己行入課室, 做手工果陣仲坐定定呀!
放學係咁同人拜拜, 揸住今日隻手工蝴蝶係咁搖, 鬼咁開心添。
一落車仲好乖自己行上樓梯!
放學係咁同人拜拜, 揸住今日隻手工蝴蝶係咁搖, 鬼咁開心添。
一落車仲好乖自己行上樓梯!
2009年3月24日星期二
2009年3月23日星期一
2009年3月21日星期六
小如 shopping ~~ Go Go Go!
大個女啦 ~~ 小如都去 shopping!
前幾日佢見到同學仔有個公仔筆袋, 好鍾意、好鍾意。鍾意 >> 咁點呢? 佢問晒响邊樹買, 幾多錢喎! 見佢興致勃勃, 同佢去行咗一轉花園街.....
一到步, 急急脚就去搵佢嘅心頭好。花園街咁長, 唸住實有排搵, 點知行咗幾檔就揾到啦, 揀咗呢隻 -- 係咪都幾得意呢! 我覺得最搞鬼係條尾用黎拉拉鏈架, 哈哈!
當然唔係買完公仔筆袋就走啦 ( 佢話好鍾意花園街, 好多嘢睇添呀)! 大個女啦, 好有自己主見, 無論買文具, 買衫, 買褲, 買頭飾, 買鞋...全部都係佢自己揀嘅, 今日就開心囉, 好多收獲!
前幾日佢見到同學仔有個公仔筆袋, 好鍾意、好鍾意。鍾意 >> 咁點呢? 佢問晒响邊樹買, 幾多錢喎! 見佢興致勃勃, 同佢去行咗一轉花園街.....
一到步, 急急脚就去搵佢嘅心頭好。花園街咁長, 唸住實有排搵, 點知行咗幾檔就揾到啦, 揀咗呢隻 -- 係咪都幾得意呢! 我覺得最搞鬼係條尾用黎拉拉鏈架, 哈哈!
當然唔係買完公仔筆袋就走啦 ( 佢話好鍾意花園街, 好多嘢睇添呀)! 大個女啦, 好有自己主見, 無論買文具, 買衫, 買褲, 買頭飾, 買鞋...全部都係佢自己揀嘅, 今日就開心囉, 好多收獲!
2009年3月19日星期四
Comebuy 珍珠奶茶
唔知大家仲記唔記得有一排香港好興珍珠奶茶? 但後勁不繼, 依家好似冇咩地方有得買囉。
最近荃灣出現咗過江龍 Comebuy ~~ 人氣一流, 人龍不絕, 人人都想試吓.....曾經試過一次叫我等半個鐘!
Comebuy 在台灣好勁, 有幾十間分店 (香港好似暫時得呢間, 冇堂食, 淨係外賣)。珍珠奶茶當然唔係咩新鮮野，點解佢哋吸引咁多人排隊呢?
佢哋標榜引入世界各地名茶，客人可選擇十多種不同產地的茶葉，真係茶味香濃; 製作過程一目了然, 好乾淨衛生; 又可選擇多冰、少冰或走冰; 又有唔同甜度選擇; 珍珠奶茶又香、又多珍珠、又勁煙韌, 大杯裝仲做緊特價, 好正!
我仲試過呢杯蜂蜜蘆薈, 好多蘆薈粒粒, 真係好好飲!
想唔想試吓?? 荃灣眾安街68 號城市中心地下。
2009年3月18日星期三
2009年3月15日星期日
小休復出
2009年3月13日星期五
2009年3月12日星期四
玫瑰疹
樂樂由上星期五開始發燒, 高燒咗3日, 跟住到肚痾同出疹, 又3日, 睇開果個醫生話係"假疹"同埋病毒感染。
今日痾小咗但都好扭計。所以决定轉醫生攞多一個意見 ~~ 呢個醫生好堅, 睇完樂樂話佢中咗個 "玫瑰疹套餐" (好鬼幽默!), 燒3日痾3日出埋疹, 食多佢開嘅2日藥應該好返架啦喎!
醫生嘅解釋好詳細....玫瑰疹由過濾性病毒引起, 呢種病是會透過唾液及飛沫傳染的, 可能會引致其他併發症, 好似樂樂今次中埋腸胃炎 (因為腸痛唔舒服, 又唔識講, 所以佢好掹憎)。目前無特別預防方法, 只能在易感染的年齡及季節, 避免出入公共場所, 其實好難避免。
想了解多D 玫瑰疹嘅症狀同病徵, 可以睇吓:
認識玫瑰疹
易被誤認為感冒的玫瑰疹
今日痾小咗但都好扭計。所以决定轉醫生攞多一個意見 ~~ 呢個醫生好堅, 睇完樂樂話佢中咗個 "玫瑰疹套餐" (好鬼幽默!), 燒3日痾3日出埋疹, 食多佢開嘅2日藥應該好返架啦喎!
醫生嘅解釋好詳細....玫瑰疹由過濾性病毒引起, 呢種病是會透過唾液及飛沫傳染的, 可能會引致其他併發症, 好似樂樂今次中埋腸胃炎 (因為腸痛唔舒服, 又唔識講, 所以佢好掹憎)。目前無特別預防方法, 只能在易感染的年齡及季節, 避免出入公共場所, 其實好難避免。
想了解多D 玫瑰疹嘅症狀同病徵, 可以睇吓:
認識玫瑰疹
易被誤認為感冒的玫瑰疹
2009年3月9日星期一
2009年3月8日星期日
Sooooo hungry!
一家大小慶祝公公嘅生日, 唸住小如考試, 近近地揀咗如心廣塲 陶源酒家。好彩咁近, 因為樂樂又唔舒服, 唔洗去咁遠好方便。
可能我哋人多, 酒家比咗間房我哋, 環境一流。食物質素點? 都幾好喎! 冇叫魚翅, 冇叫鮑魚...一家人齊齊整整, 食家常便飯都好好味。
聽聞呢度嘅乳豬非常出色 ~~ 事實上真係幾出色, 色香味俱全! 樂樂發咗兩日燒, 冇晒胃口, 一見到就 >>>
仲有叫咗大炮星--->咩黎? 我哋都係第一次食喳, 係一條幾十斤重嘅魚喎, 一魚三味又幾好食噃!
總括黎講, 對呢餐飯都好滿意啊!
2009年3月7日星期六
發燒..又要面試, 點搞?
小如前幾日開始咳, 尋晚終於傳染比樂樂啦, 佢冇乜咳, 但係發燒! 拿拿聲去睇醫生, 因為今日要去劍鳴面試, 如果因病改期一定要有醫生紙。
返到屋企樂樂都仲有燒。每次發燒, 佢就好大脾氣 ~~ 因為佢勁怕熱! 一覺訓醒, 好似好返好多。所以最後都决定帶佢去 N1 嘅面試。
今次嘅面試 look ~~ 好醒目! 但表現就....唉.....
有兩個朋友都有仔女在 劍鳴幼兒園 讀書, 對學校嘅評價很不錯! 主要係老師跟家長聯繫密切, 好關心小朋友嘅發展; 學校常常仲會安排活動及課外探訪, 增加小朋友對社會嘅認識。
對一間有成千人投考嘅幼兒園黎講, 安排上一定唔錯。面試前交齊資料, 比小朋友玩一陣, 比約定嘅面試時間只遲了15分鐘左右。
6個小朋友一組, 由一位家長陪住。首先玩一陣玩具, 熱吓身; 跟住就要坐低聽故事。樂樂當然冇坐定啦, 幸好根據如爸形容 ~~ 其它幾個坐低嘅都冇乜反應。接住落黎係玩爬隧道, 但樂樂冇開心不特止, 仲唔想爬, 喊添呀! 陰公 ~~ 可能佢真係好唔舒服。到最後一部份係玩樂器 (平日係佢最仲意嘅), 都冇心機玩! 出返黎見到門口D老師先做拜拜嘅手勢。
其實真係冇其望一個病緊嘅 21個月大小朋友, 表現得好好, 但係今時今日嘅小朋友, 真係好可憐! 有時唔係父母比壓力, 而係周圍嘅人同社會嘅壓力 >> 講說話都未識就要面試, 唸起都覺得有D離譜!
返到屋企樂樂都仲有燒。每次發燒, 佢就好大脾氣 ~~ 因為佢勁怕熱! 一覺訓醒, 好似好返好多。所以最後都决定帶佢去 N1 嘅面試。
今次嘅面試 look ~~ 好醒目! 但表現就....唉.....
有兩個朋友都有仔女在 劍鳴幼兒園 讀書, 對學校嘅評價很不錯! 主要係老師跟家長聯繫密切, 好關心小朋友嘅發展; 學校常常仲會安排活動及課外探訪, 增加小朋友對社會嘅認識。
對一間有成千人投考嘅幼兒園黎講, 安排上一定唔錯。面試前交齊資料, 比小朋友玩一陣, 比約定嘅面試時間只遲了15分鐘左右。
6個小朋友一組, 由一位家長陪住。首先玩一陣玩具, 熱吓身; 跟住就要坐低聽故事。樂樂當然冇坐定啦, 幸好根據如爸形容 ~~ 其它幾個坐低嘅都冇乜反應。接住落黎係玩爬隧道, 但樂樂冇開心不特止, 仲唔想爬, 喊添呀! 陰公 ~~ 可能佢真係好唔舒服。到最後一部份係玩樂器 (平日係佢最仲意嘅), 都冇心機玩! 出返黎見到門口D老師先做拜拜嘅手勢。
其實真係冇其望一個病緊嘅 21個月大小朋友, 表現得好好, 但係今時今日嘅小朋友, 真係好可憐! 有時唔係父母比壓力, 而係周圍嘅人同社會嘅壓力 >> 講說話都未識就要面試, 唸起都覺得有D離譜!
2009年3月5日星期四
2009年3月4日星期三
訂閱：
文章 (Atom)