2009年3月31日星期二

樂樂的成績表

唔係講笑 ~~ playgroup 都有成績表!

上咗 Kidz-n-Us 嘅親子班 5 個月啦, 咪以為返學唱吓歌, 跳吓舞, 油吓顏色...原來暗地裡有評估架! 評分標準分三部份: 學習表現、體能發展及語言發展。

學習表現: 係上課時聽唔聽話, 有冇規舉, 對學習嘅興趣, 同其它小朋友相處等等。呢部份 OK 啦! 樂樂平日除咗响課室行黎行去之外, 大部份老師指示做嘅野佢都得架 (當然表現唔算好好, 呵呵!)

體能發展: 一流啦! 唔止大肌肉, 樂樂嘅小肌肉都好得, 手眼非常協調。

語言發展: 呢樣就梗係麻麻哋啦....因為佢仲係一個未返地球嘅太空人(能操流利太空話 = 唔知 up 乜)!

除咗奶奶同拜拜之外, 近來都講多咗好多野, 好似識發 B、I、N、G、O 嘅音, double = W, 見到大架車會話巴時, 見到看更會叫姨姨, 都算有進步啦!

總括黎講都唔錯啦, 一如 Miss 嘅評語: he is improving...

沒有留言: