Children Gymnastic

小如一年班入選學校體操隊, 一眨眼學左差不多三年啦! 最近教練叫佢去 YMCA 再操練多D, 希望可以訓練佢參加比賽。一直都有D豫疑不決, 因為係星期六嘅 8 點上堂....但小如問左好多次話好想好想學, 咁點都要比佢試吓嘅!

其實佢一直响學校上堂, 又冇得參觀, 都唔知佢學左D乜 (淨係成日見佢打側手番)。直到今日我响現塲睇左個半鐘, 真係覺得原來係好難嘅一種運動 ~~ 係咁跑、跳、前滾、後滾、一字馬等等, 真係小D體力同恆心都唔得! 不過佢好適合學體操, 雖然D動作仲有進步嘅空間, 但正如教練所講, 小如柔靭性好, 動作夠力, 比D心機一定會學得好。

有興趣比小朋友試吓, 可以睇 兒童體操 。