兒童體能智力測驗服務

上次歲半去健康院做測試, 肥佬啦! 今日返去再做兩歲測試, 都肥佬呀!

主要係因為樂樂嘅語言能力未合乎要求。語言能力分兩種:

語言理解能力 ~~ 未能跟從一般嘅口頭指示

語言表達能力 ~~ 未能說出日常生活用嘅單字

一般兩歲嘅小朋友已經能將詞彙組合, 但樂樂仲停留响好簡單嘅單字。所以醫生話唔再等啦, 轉介佢去兒童體能智力測驗中心做跟進。

原來呢個中心係負責為成長發展過程上出現問題的兒童, 提供全面的專科評估服務, 兒童發展障礙 都分好多種, 樂樂就屬 語言發展遲緩 果隻 (可能佢將所有精神...放晒响擒高擒低果方面)。

見多個專科, 攞多個意見參考吓, 梗係好啦!