樂樂自已返學啦

今日起, 樂樂返學要靠自已, 兩個鐘頭冇媽咪陪架! 下星期起就要返3個鐘添啦!

返到學校, 入門口已經見到有小朋友喊...好彩樂樂冇喊呀! 可能早前又返過暑期班, 校園同老師都一樣嘅關係。但到放學反而見到佢眼紅紅 :( 原來老師話佢等放學時見到有同學走, 佢又跟住走, 當然比老師捉返轉頭之後就喊啦! 老師話佢總括黎講都OK, 但係就仲未肯完全聽指示, 要老師對住佢講先肯做喎。慢慢來啦, 一日唔得咪兩日, 兩日唔得咪三日囉, 冇話唔掂嘅!