Ice skating

學溜冰的第二堂 ~~ 東張西望!

但都比意料中好, 因為落到冰場唔識行嘛, 唔會亂咁走, 嘻嘻!

足球狂熱 Part 2

今次輪到小如示範波衫啦! cool ~~

好姊弟

一世人兩姊弟, 好高興見到佢哋相親相愛!

小如錫細佬就一向都係架啦, 近來樂樂都好喜歡家姐 ~~ 出街要拖住家姐, 坐車要 sit with 家姐, 沖涼都要家姐....咁咪好囉! 以前淨係識咬家姐 :)

spelling game

婆婆最近送咗呢個 game 比樂樂, 真係幾好玩! 每個字牌只可插在啱嘅格仔, 仲要啱顏色添! 玩之前佢好多字都未識串架 :)

好意外地玩咗之後佢識串好多英文生字。睇吓!

足球狂熱

近來因為有 南非世界盃 嘅熱潮, 我都唔執輸, 整返兩套波衫比樂樂嘆吓!

300 人賀生辰

籌備多個月嘅 BK0705 BB生日會終於到啦!

一班搞手媽咪, 全部都係義工 ~~ 由訂場地, 收錢, 揾贊助, 取禮物, 包裝, 節目安排....都好合拍。畢竟大家相識3年, 平日又一齊爛食爛玩爛買, 真係默契十足! 黎參加嘅個個讚好 >>九十幾個家庭, 成三百人一齊慶祝 BB 嘅 3 歲生日, 實在難得 :)

有自助午餐, 親子遊戲, 公投遊戲, 手工製作, 私家影院, 專業攝影師, 小丑, 抽獎.....等等! 真係稱得上大製作!

今次馬會沙田會所場地好舒適好靚!

多謝大家投票, Victor 仲成為爆笑騎呢仔冠軍添!

當然每人仲有好多禮物拎走啦!

睇報紙

喜歡閱讀係件好事 ~~ 慶幸樂樂都幾仲意睇書。前幾日仲學爸爸睇報紙, 似模似樣!

有得學游水啦 ~

上星期比人踢出局, 越唸越唔份氣! 上「泳天」個網睇, 明明話幼兒班係 1 對2-4個小朋友, 但上堂所見, 起碼 1對6 以上。詳加追問之下先知喇沙泳池果班雖然係收 3 歲以上, 並唔係幼兒班, 一輪查詢, 終於比樂樂轉去培正學。

今次好好多呀, 頭半個鐘都定定地, 後來都要比教練鬧, 都 OK 啦, 起碼有得學先啦!

3 歲啦!

515, 樂樂3 歲啦!

如爸話唔好搞生日會啦, 免得過响吹蠟燭果陣....佢跑咗去玩。適逢今年生日, 媽咪要為下星期 Baby Kingdom 嘅大 party 入禮物袋, 約咗一班 aunties 黎屋企包裝 ~~

九十幾個家庭一齊開 party, 真係唔嘢少架! 睇吓我哋努力揾返黎嘅 sponsor 禮物 >> 好勁! 屋企做咗臨時貨倉!

包裝後嘅震撼情況 )))))

班 aunties 仲好抵錫呀, 上黎包裝仲帶理生日蛋糕黎慶祝! 生日願望? 有呀有呀, 希望随住 terrible 2 嘅完結, 隨之而來嘅會係...wonderful 3 啦!

農歷牛一

是日係樂樂農歷牛一, 冇咩特別慶祝, 只係比咗份婆婆早前送嘅禮物佢!





因為佢實在太仲意 ABC 字母啦, 所以好有心機同好仲意玩! 連 one, two 同 six 都識自己串, 勁呀!

first swimming class...

小如响喇沙泳池跟 泳天游泳會 學游水都幾個月啦, 一心唸住到樂樂 3 歲可以一齊學! 終於安排到同一時段學, 點知第一堂就嚇到個教練...唔敢教佢, 叫佢大個D先再黎學喎!

呢個幼兒班應該係教練1對4, 其它果幾個都差唔多年紀, 有規有矩, 留心聽講。但樂樂呢位初學嘅小朋友...唔聽指示, 去到池邊已經想衝落水, 落到水仲難搞, 自己仲意游去邊就游去邊, 擒過條分界線, 越叫越走.... 當時已經連個主管都拿拿聲除衫落埋水, 淨係捉實佢一個! 捉住佢"游"咗10分鐘, 投降啦, 話D學費留比家姐下期學 ~~ 仔, 你幾時先定落黎?

Happy mother's day

祝各位媽咪有個快樂的母親節! 早於星期五己經慶祝咗母親節+姑媽+樂樂嘅生日啦! 呢個花瓣蛋糕, 係咪好令呢!

樂樂就送咗條名貴手鍊同手袋比我! 仲有咭同花添架!

今日一早帶樂樂去學游水, 第一堂就嚇怕教練 (詳情容後再談!) 之後去咗朋友仔嘅生日爬地, 因為適逢母親節, 主人家仲安排咗朱古力花送比大家添! thank you very much!

體操决賽

三月嘅時後, 小如第一次参加咗 全港校際體操比賽, 成績唔錯呀, 自由體操仲得分區第二名可以進入决賽!

事隔兩個月, 今日决賽啦! 以教練經驗之談, 攞到分區前三名都好叻架啦; 全港嘅决賽, 同新界區d運動員比賽, 勝出機會好微 -- > 因為人哋日練夜練架!

講真, 呢兩個月以黎教練就冇乜特訓小如啦。今日比賽水準未算好好(可能因為大懵媽咪唔記得帶號碼布, 膨膨聲返屋企攞, 好彩趕得切比賽前送返現場比佢), 只得第9名! 都唔錯吖, 全香港排第9...下年再参賽, 一定有進步空間啦!

比賽完畢, 去咗山林道食日式鐵板燒, yummy!

仲有 ~~ 今次嘅獎勵係小如夢寐以求嘅 「7seven」 書包一個, 恨咗成年架啦, 終於有藉口送比佢啦...因為真係好...鬼...貴...呀, 仲要成日冇貨架!

我們的天神村

7-11 換緊 IQ 博士經典做型公仔, 12 款我哋得6 款喳! 有冇人有多呀??

有獎攞呀!

上星期樂樂冇返學, 錯過咗一年一度嘅親子運動日 :(

不過都好, 橫掂就算佢有份參加, 都係佢有佢跑, 我有我追架啦! 雖然我哋冇參加, 點知都有獎攞喎, 間學校真係好有心思!

酸辣湯河

唔知大家有冇試過九龍城一間好細好細 (近住樂口福轉灣果度), 門口有沙嗲串燒賣嘅泰國嘢食呢? 佢嘅酸辣湯河....好味到呢....



唔駛洗碗!!

Victor's birthday month ~

5月15日出世嘅 Victor, 同一班5月出世嘅BB 朋友仔轉眼相識3年啦, 踏入生日月好多生日慶祝活動要參加, 個個星期都有 party 去, 好忙碌!

今日第一砲係 Nivana 生日會 ~~ Pizza Express 整 pizza!

由於樂樂啱啱去完 「法國」, 所以唔敢帶佢去D人多擠迫嘅地方住, 今次由家姐做代表啦!

每一位參加嘅小朋友可以自己創作一個 pizza, 仲可以帶返屋企吃, 十分開心啊!