first swimming class...

小如响喇沙泳池跟 泳天游泳會 學游水都幾個月啦, 一心唸住到樂樂 3 歲可以一齊學! 終於安排到同一時段學, 點知第一堂就嚇到個教練...唔敢教佢, 叫佢大個D先再黎學喎!

呢個幼兒班應該係教練1對4, 其它果幾個都差唔多年紀, 有規有矩, 留心聽講。但樂樂呢位初學嘅小朋友...唔聽指示, 去到池邊已經想衝落水, 落到水仲難搞, 自己仲意游去邊就游去邊, 擒過條分界線, 越叫越走.... 當時已經連個主管都拿拿聲除衫落埋水, 淨係捉實佢一個! 捉住佢"游"咗10分鐘, 投降啦, 話D學費留比家姐下期學 ~~ 仔, 你幾時先定落黎?