2010年9月28日星期二

如爸的生日

每年 9.28, 就係我媽咪同如爸嘅生日 (係呀, 同一日就係咁 Q)~

今年媽咪同老豆去咗上海睇世博; 如爸就...响屋企同我哋食飯慶祝吓! 雖然冇咩特別, 但飯後都係咁意有 "Ha" 牌雪糕加枝蠟燭添呀!

又打針

半年前幫小如打 子宮頸癌疫苗, 咁快就打第三針 (最後一針啦)! 唔知係咪真係咁痛, 一打枝針入手臂...又喊!!! 對你好架女 ~~ 一般女孩小至九至十歲已可接受注射, 梗係及早打定穩陣D! 愈早注射疫苗,預防子宮頸癌的效用愈大嘛。

有興趣知多D, 睇吓 香港癌症基金會 !

2010年9月26日星期日

追月 BBQ

中秋雖然過咗, 月色仍然好好啊, 約咗一班朋友去陳宅 BBQ 追吓月!

陳宅查實係豪宅....透爐都好豪 ~~ 唔係用報紙, 唔係用大葵扇 >> 而係用風筒呀! 實在係特別呢! 仲有用夾黎燒, 一次過放晒雞翼, 牛扒, 燒魚, 香腸等等, 簡直係快、靚、正呀!



2010年9月25日星期六

休閒服

今朝同 D 媽咪 friends 去行花園街, 中秋啦嘛, 想買長袖套裝比樂樂。點知想買果間舖仲未開檔 :(

失望之際行吓逛吓, 執到寶呀! $29 一套嘅 Mario, Buzz, 同 Alien Ben 10, 好掂 ~~ 質地好似玩具反斗城果D, 十分柔軟!

真人示範吓....




2010年9月23日星期四

假期郊遊

中秋假期, 我哋去咗郊遊呀!

今次仲帶定晒吹泡泡機, 但係樂樂一見D玩樂設施, 就泡都唔吹係咁爬上爬落!





小如都如耐冇踩單車啦, 可以玩返夠本。仲去 playroom 玩 lego, 呢間係佢嘅三層高大屋, 我都想住呀!

2010年9月22日星期三

中秋節玩螢光棒

今年細佬識玩螢光棒啦! 買咗兩筒比佢哋玩吓, 好有心機咁砌。小如一向都好有創意, 細佬就冇咁叻啦, 可能第一次玩, 都好開心, 充滿新鮮感!




仲玩到熄埋燈添!


薑花

住咗黎花墟附近, 養成有插吓花嘅習慣。一般都係買吓玫瑰, 太陽花, 康乃馨果D啦! 今日花檔亞姐介紹買薑花, 一束綠色嘢 >> 但係包開喎。

半信半疑咁插起佢... 嘩! 唔洗幾個鐘, 開成咁啦!



仲好香, 香到如爸個鼻有D頂唔順添! 結果要收埋响廚房 ~~

2010年9月21日星期二

賞月必備...



賞月必備嘅月餅, 今年除咗有一般嘅雙黃白蓮蓉之外, 仲有人見人愛嘅 "H" 牌雪糕月餅 (多謝 wo wo 姨) , 好正!

爸爸仲用D乾冰整咗碟冰鎮甜橙, 有烟出架!

2010年9月12日星期日

Ice-cream cake

有朋友送咗個意大利牌嘅雪糕蛋糕比我哋...好靚呀, 拿拿聲影張相先! 睇吓樂樂個樣, 的確有點不耐煩 >> 切得味呀, 媽咪!?



2010年9月9日星期四

student photo

開學果日學校(唔知點解)漏咗冇派學生相比我哋, 終於收到啦 >> 又影得幾好噃! 有冇發覺佢塊面紅卜卜? 影相果日因為要等, 樂樂只不過出操場跑咗幾個圈, 返黎就變成咁....髮尾仲滴緊水!

好可惜冇相底, 只可以 scan 入電腦, 質素都唔錯!



2010年9月6日星期一

Run Run Run!



趁剛剛開學, 昨日同一班 BB 朋友仔去咗 Disney Hotel 玩吓﹕) 天氣好好, D 細路一齊草地狂奔!!

2010年9月5日星期日

世上只有爸媽好

相信人人都認同....世上只有爸媽好! 兩老長居澳門, 專程黎同我慶祝吓。



做咗人父母, 更加感觸良多 ~~ 由BB開始, 日夜照顧, 冇覺好訓; 到適齡入學, 周圍揾學校; 大個讀書, 又担心成績唔夠好....

出年小如就要考中學, 過多一年到樂樂揾小學, 實在係慢慢長路啊!

2010年9月4日星期六

年年有今日

今日係我 ~~ 年年有今日嘅日子! 生日年年有, 冇咩特別呀, 都係一家人食飯咁啦。適逢係星期六, 老豆亞媽都黎一齊同我慶祝。

其實一家人開開心心, 健康快樂已經好足夠! 如爸都有小小表示, 送咗紮花咁啦! 加上Facebook 上好多朋友嘅留言祝福, 實在係錦上添花啊 ~~



2010年9月2日星期四

小如的台北之旅

由小如4歲開始, 每年都會帶佢去旅行...日本, 泰國, 韓國, 馬來西亞都去過。但係自從07年細佬出世後, 就冇再一家人去旅行囉!

今次由爸爸負責同佢去玩吓, 增進父女感情!! 4日3夜台北自由行, 如爸一早就編定行程啦, 可惜...一到步冇耐就病了(可能佢呢幾年少去旅行~~)。

咁難得先去一次旅行, 都要頂硬上啦! 有觀光啦, 行夜市啦, 睇風景啦, 放天燈啦, 去樂園等等。小如話好開心呀, 真係辛苦晒爸爸!






2010年9月1日星期三

K1 啦!

真係眨吓眼, 樂樂就K1 啦!

雖然返咗 N1 一年, 始終都得3歲人仔, 真係有D担心佢...會唔會打人? 聽唔聽老師話? 識唔識去 V V (啱啱先介到片)?

第一日只返一個鐘, 仲可以有家長陪一齊返。



去到學校, 都幾 Ok, 有坐定定嘅時候添。希望佢正式上堂都係咁就好啦!