小如的台北之旅

由小如4歲開始, 每年都會帶佢去旅行...日本, 泰國, 韓國, 馬來西亞都去過。但係自從07年細佬出世後, 就冇再一家人去旅行囉!

今次由爸爸負責同佢去玩吓, 增進父女感情!! 4日3夜台北自由行, 如爸一早就編定行程啦, 可惜...一到步冇耐就病了(可能佢呢幾年少去旅行~~)。

咁難得先去一次旅行, 都要頂硬上啦! 有觀光啦, 行夜市啦, 睇風景啦, 放天燈啦, 去樂園等等。小如話好開心呀, 真係辛苦晒爸爸!