回憶....畢業禮

RMIT 同香港嘅學府, 近年合辦咗Ｄ課程。今日有成600個畢業生, 比 RMIT HK Alumni 叫咗去 Grand Hyatt 嘅畢業禮幫手~~ 幫手提Ｄ畢業生即時登記成為 Alumni 會員。

見到Ｄ畢業生, 又收花又公仔, 攬住家人影相, 好開心呀! 唸返起自己畢業嘅情况.....好模糊喎, 直頭唔記得响邊到行禮! 多得 Alumni officer 提起, 原來係學校附近嘅大會堂, 到依家仲係果度喎。

Function 完咗, 校長哋成班招呼我哋幾個義工, 講起學校嘅發展, 改進等等, 驚覺原來我畢咗業咁多年添! 但比起學校嘅120年歷史, 真係小兒科啦！