今日 >>> 好忙!一早同二少爺返 playgroup, 今日多咗個女同學。一共四個同學一齊上堂。做手功嘅哋方最近變咗身, 好靚啊! 今日做咗中秋節賀咭, 樂樂當然冇聽指示, 老師教海棉印畫, 佢就人手印畫!
中午同班媽咪 friend 食 lunch, 大鄉里出到中環, 揾唔到間餐應喎。Thai Lemongrass 幾好呀, 幾個媽咪, 今次嘅話題係揾幼兒園啦! 好快....大家嘅BB已經15個月!
下午屋企有煤氣定期檢查, 仲約咗整鋁窗嘅公司黎維修。 大家知唔知鋁窗係要定期檢查同維修, 住咗咁耐都冇 check 過! 之前叫咗人黎檢查, 原來隻隻窗都有問題....唔係甩螺絲就係個鉸鬆晒, 仲有D膠邊都開始老化啦, 所以决心整好佢。 因為師傅話唔洗搭棚, 我仲以為好簡單添; 原來係要成隻拆落黎慢慢整, 五個師傅一齊整咗兩粒鐘! 整完之後, 抹咗一粒鐘!!!
沒有留言:
發佈留言