綱琴演奏?

咦咦, 邊位呀? BB 時代嘅貝多芬? 莫札特? 蕭邦?



有晒感情真係彈喎!



哦, 原來係你呀 :)

歷險Q立方

今次澳門之旅, 仲去咗一個令人流連忘返嘅樂園 ~~ 歷險Q立方 QUBE !

有咩玩?? 睇吓個 playgroom 有幾大先 >>>



又有得上網, 仲有得打機, 連小型桌球都有得玩!

小如話未玩過咁刺激嘅直立式滑梯 (free fall slide)!

仲有用呢種麻包袋玩嘅 rainbow slide, 好好玩架!

家姐玩得好開心呀! 細佬都唔弱....行吓木人行, 逆流行上滑梯, 仲有捉吓吹起嘅波波, 自得其樂!

返鄉下拜年 ~~ We love Macau!

新春佳節, 梗係要返澳門拜吓年!

大年初三一早, 港澳碼頭已經多人到不得了!!! 仲以為近來少咗人過澳門, 原來唔係架~~去到澳門, 移民局果Ｄ人龍好長, 好彩我哋有三個澳門居民, 如果唔係, 半個鐘都出唔到閘!

今次同小如樂樂响澳門住咗幾日, 除咗四出拜年之外, 仲扮遊客....去遊覽澳門地標大三巴牌坊!

原來依家可以行上去參觀, 行到上去, 有Ｄ脚軟!

扮遊客, 仲去咗 威記 坐"貢多那"添, 真係好有旅行 feel.

幾日嘅旅程, 加埋好多好多利是, 滿載而歸呢!

恭喜發財

尋晚仲發緊燒, 今日乜事都冇! 睇吓, 邊樹似有病呢?





今年唔着唐裝, 改穿西服, 靚唔靚?





李家姊弟恭喜大家 ~~ 牛年常歡笑, 一家大小平安大吉, 恭喜 恭喜!

熱辣辣年卅晚

小如退燒, 到樂樂發燒! 尋晚結果全家都冇覺好訓, 今日去睇醫生, 話佢又係喉嚨發炎囉! 我又病, 小如又病, 年卅晚, 邊到都冇去, 係屋企熱辣辣迎新歲。

修理電腦學徒

爸爸想拆開部舊電腦, 攞個 hard disc 出黎, 點知有個學徒幫手!

無牙妹

小如嘅上頜恆齒門牙, 有一隻甩咗超過一年半, 另一隻到依家都未甩, 唔係幾尋常。好彩佢學校參加咗 學童牙科保健服務, 每年都會幫佢哋檢查牙齒。今年啱啱檢查完, 本手冊話要覆診。原來照過X光, 裡面隻牙出唔到, 要幫佢剝咗未甩果隻牙。

呢個保健服務真係唔錯, 又可以網上預約, 好方便! 加上所費冇幾, 如果你有小朋友準備入小學, 一定記住要參加呀!

逛花墟

小如尋日發燒冇返學, 今日本來都唸住唔返架啦, 點知佢話好想返。因為返埋今日放新年假, 會有好多假期功課派 ~~ 結果為有車佢返學囉。

路經太子花墟, 心血來潮想趁一早人小小行吓啦....七點幾嘅花墟, 嘩! 好多人! 我想像唔到夜晚會多人多到點。

但係原來Ｄ花真係好平喎 >> 紅色果棵叫 "鴻運當頭", 買個意頭都只係 $15 蚊, 襯埋Ｄ$15 蚊嘅星花, 三十蚊都唔錯呀! 粉紅百合襯好晒都係 $25 蚊, 真係 very good 架! 最緊要記住行多幾間格吓價, 因為Ｄ價錢都好海鮮吓!

大頭貼又黎啦!

一年一度老麥大頭貼又登場啦! 大家有留意電視廣告, 就知今年主題係熊貓囉 ~~ 睇吓小如樂樂似唔似?








快Ｄ入黎 熱爆賀年大頭貼 整返張!

暖洋洋的冬日

近排天氣咁凍, 陣足一星期! 又暖爐, 又暖貼, 又暖水袋, 乜都出齊。

估唔到今日咁好陽光, 暖洋洋嘅感覺返晒黎! 帶咗兩位老細去户外玩吓。玩到....面紅紅, 出晒汗呀 >oo<









仲有 video 睇喎

變夜鬼

以前早睡 (10pm前) 早起 (7am左右) 嘅樂樂, 近來變咗夜鬼!

事源係樂樂返 11am 嘅 playgroup, 所以想幫佢調較吓遲小小起身, 成功呀! 由朝早七點佢醒醒地我就陪佢訓返, 可以訓到九點起身。但付出嘅代價就係佢依家晚晚十一點幾先願訓, 為咗令佢唔好嘈住家姐, 為有唔比佢入房, 陪佢响廳到玩; 但估唔到佢玩一陣就走去拍房門, 仲自言自語 (太空話), 意思~~我估係做咩唔比佢入房!

凍凍?

呢幾日温度咁底, 加個光頭, 會唔會好凍呢? 答案係 >> 有太陽嘅時候真係唔凍喎! 加上跑黎跑去, 擒高擒低, 出汗添噃。

剪個靚髮過新年

尋日幫樂樂剪頭髮....佢嘅表現大不如前!

已經又比嘢玩, 又比嘢食, 都搞佢唔掂。係咁起身坐底, 郁黎郁去, 結果越剪越短 ~~ 變咗光頭仔呀! 剪完髮, 照吓鏡, 樂樂個樣好似好滿意個光頭 look, 係咁咪咪笑。

不過我呢個 junior stylist 都要退役啦, 下次帶佢去 salon 至得囉!

蛋卷王

聽朋友話奇華蛋卷正, 前兩日買咗黎試吓。真係唔錯喎, 睇吓老細食到唔停口, 一枝又一枝就知有幾好味。

小辮子

我同朋友出街食飯, 樂樂就比家姐搞到變小辮子!!! 係時候剪個靚髮過新年啦.....

同學仔生日

今日返學, 適逢同學仔生日, 所以auntie 請大家食生日蛋糕! 全班同學都好開心 ~~ 梗係啦, 有得食喎, 仲有個蛋糕好好味, 樂樂成碟食晒!

What will you celebrate?

Fun? How did I get Disney to do that? Want to try? Click here!

Key in your name and e-mail information at both:

"Enter your contact information" and

"Enter details for your friends you want to share this with"

And you will receive your video link via e-mail.

Hot Yoga

今日去 soo Yoga 試吓玩高溫瑜珈, 感覺非常之新奇。

以前都試過玩普通嘅瑜珈, 但覺得幾悶 (唔夠勁, 呵呵); 果陣仲意跳 Aerobics 多D, 因為感覺好似會多D運動同勁出汗。

但事隔幾年, 今日玩呢種高温嘅, 又好似唔錯喎 ~~ 間房比我想像中大; 温度比我想像中低; 一齊上堂嘅人比我想像中少..... 雖然好多動作同術語我都唔係好得, 但70分鐘嘅堂, 好好玩同好值得試。

Ireland's potato

趁媽咪去飲, 三隻嘢作反啦!!!

飯都唔食, 食薯仔 ~~ 不知幾正:

仲你餵我, 我餵你:

實在太好味啦.....為咗食快Ｄ, 為有用手快Ｄ囉!

咁正嘅薯條, 係啱啱登陸荃灣嘅 愛爾蘭瘋薯。