海嘯價鮑翅餐

之前聽聞名苑有個超抵鮑翅餐 ~~ 每位$198又有翅, 又有鮑魚, 又有燕窩!

終於今日扮富豪, 歎咗一餐! 新春時期貴咗D ($238), 但都非常滿意。地方靚, 招呼好, 又好味, Good Good Good!

睇吓幅牆同盞吊燈先, 以為去咗酒店!

有咩食? 宮廷皇燒翅、玉掌伴古法五頭鮑魚、紐西蘭烤羊鞍/砵酒焗珍寶蠔、美極澳洲大花蝦、金瓜蝦乾泡菜苗, 仲有養顏燕窩蛋白杏仁茶等。6 道菜加埋比起散叫平足一半，絕對是海嘯價。

先黎嘅係足三両的鮑翅，湯底鮮甜, D翅都OK粗架, 小如成碗食晒!

五頭鮑魚味濃郁又腍滑，質感有如乾鮑咁鮮甜, 個侍應仲介紹叫兩個白飯倒落個瓦煲度, 實行鮑魚汁撈飯。

大花蝦非常野味, 肉質彈牙添架!

燕窩蛋白杏仁茶 ~~ 燕窩同香滑的杏仁茶實在絕配, 又香又好味, 一D都唔怕甜! 最衰我勁飽, 唔係食兩碗都得!

唔記得講 >>> 仲有隨餐奉送紅酒/橙汁一杯, 再加兩個鐘頭免費泊車!

幫人賣吓廣告先:

名苑酒家地址﹕荃灣西樓角路1至17號 新領域廣場1樓1號舖
查詢﹕2498 5829