Breakfast with the Ponies

一家大細嘅情人節慶祝活動, 就係同馬仔食早餐! 話明食早餐, 天都未光就要出門口 zzzZZZ!



好彩嘅係....小如樂樂都習慣早起身, 六點幾出口門果陣, 佢兩個不知幾生猛。

家姐自己襯咗一套騎師裝, 幾型呀! 去到馬會, 梗係先同馬仔玩吓影吓相先啦。 驚唔驚? 兩個都冇有怕喎~~





適逢係情人節嘅關係, 餐廳好有心思 >> 連牛油麵包都係心形, 冧晒!





一邊食早餐, 仲有馬評人講解吓馬匹試閘嘅知識, 實行一路食一路睇晨操; 席間又有小丑同魔術箱表演助慶, 好好玩。

仲有得親身試玩實習騎師日常訓練用嘅木馬, 一嘗學騎馬嘅樂趣呢。