如樂媽打嘅世界...娛樂無窮: 3月 2010

2010年3月31日星期三

門牙出來了

舊年暑假, 小如開始咗為時9個月至1年嘅箍牙歲月。不經不覺....隻門牙已經出咗黎啦! 當中經歴嘅痛楚, 雖然我感受唔到, 佢係見到都心痛。小如真係好勇敢!

好喇, 依家成牙出咗大半, 箍返啱個位就應該搞掂啦, 希望快D可以拆咗D鐵線, 變返個靚靚笑容出黎 ~~

2010年3月30日星期二

Jumbo Fun!

自問冇乜抽獎運嘅我 (什麼商場抽獎, 慈善獎券...都冇中過) ~~ 竟然抽到個 OK 便利店嘅 Jumbo Fun 呀! 好似話全香港得一萬隻喳, 雖然唔係咩名貴嘢, 但真係覺得好幸運啊!

2010年3月28日星期日

父子樂

早排小如忙於練習體操, 媽咪梗要陪住作精神上嘅支持啦, 所以星期日早上就由爸爸負責睇住樂樂。為咗比佢跑吓跳吓(消耗體力), 爸爸又可以練習吓用部新相機, 個個禮拜都去公園玩, 好多靚相呀!

2010年3月27日星期六

多咗個女?

家姐買咗件新舞衣, 幾靚!

點知...比樂樂見到...又話要着...為有...

仲要戴埋假髮, 同擺鋪士! 無厘頭多咗個女添 :)

2010年3月26日星期五

Go fishing!

樂樂最近嘅傑作, 係將個搖搖吊响枝滕條度, 話係 fishing 喎! 見佢咁仲意 fishing, 買咗一套玩具比佢, 好好玩咁喎!

2010年3月24日星期三

一點獎勵

多個月黎嘅努力練習, 比賽當日有水準嘅表現, 贏咗一個冠軍, 一個亞軍同一個優異 (第五名)! 除咗獎盃同獎牌之外, 點都要有D鼓勵嘅 ~~ 當然仲要有獎品啦!

Yeh! iPodtouch 一部! 上 apple 網訂, 又快又方便, 幾日就收到啦!

仲刻埋名添架 ~~

查實獎呢部 iTouch 比小如, 一舉三得 >>
1. 小如可以有自己嘅 iTouch, 好開心;
2. 家姐返咗學, 樂樂可以當係佢自己嘅, 都好開心;
3. 佢兩個唔洗再玩媽咪部 iPhone, 我仲開心, wakaka!

2010年3月22日星期一

單眼佬

樂樂嘅模仿力實在强! 見到我哋扮亞唐伯虎單眼, 佢又單眼....不過要用手幫幫忙!

2010年3月21日星期日

Our Gymnastics Champion!

今次係小如第一次參加校際體操比賽, 所以屬於新秀組。因為有成三百幾人參賽, 大會分咗三個區域作賽, 佢哋係港九地域二區。比賽地點 ~~ 九龍公園體育館。

對手好强勁架! 港九地域二區參加咗「團體」有9間學校, 培正, 油天, 女拔....全部勁敵。而呢個分區參加「個人」嘅有百幾人呀！

睇吓想攞邊個杯返屋企先!

進場時有音樂, 有D奧運 feel 架! 正式比賽黎啦 --> 自由體操。表現好好, 未做完最後個 ending 動作, 教練已經拍掌, 得咗! 結果攞 13.3 分, 呢個分數响百幾個參賽者中攞亞軍, 輸 0.1 分比冠軍。

跳馬就發揮得麻麻啦, 因為張墊超硬喎, 練習果陣就撻到攤攤腰! 結果得12.833 分, 教練話以佢平時嘅表現, 可以好D!

燈燈燈, 成績出咗啦!

贏勁敵培正 ~~ 好險! 真係一直以黎嘅努力冇白費呀! 除咗團體攞分區冠軍, 小如响有百幾人參賽嘅自由體操攞第二名, 跳箱第五名(每個區域只頒前八名) , 有水準嘅表現呀!

2010年3月18日星期四

小如每年三次嘅測驗週, term 2 完結啦, 依家又到挑戰我 EQ 嘅時候...派卷!

佢嘅成績一向中中哋啦, 但今年9月升五年班就要呈分試, 因為好驚揾唔到好嘅補習社, 所以由今年1月起就比佢去補習, 今次嘅測驗我比較輕鬆, 因為有補習老師幫手同佢溫書。

今日派咗兩份卷 ~~ 成績同上次測驗差唔多, 唔見得有進步。我好明白補咗三個月習, 成績未必突飛猛進, 但都應該好DD掛 ~~ 唉! 又係錯埋D唔應該錯嘅嘢, 見到佢D卷, 我同自己講 : 冷靜冷靜!

2010年3月16日星期二

牙齒的歸宿

由小如甩第一隻牙起, 如爸有留起做紀念, 仲响隻牙上面寫低甩嘅日期。一直以黎我都有留意想買個盒放好佢D牙, 見過美國一個網站有得賣 (個盒好靚, 立體中間有隻牙架), 點知計埋運費好鬼貴呀!!

最近終於揾到呢個 ~~

簡單得黎又唔貴, 仲好快2日收到貨。一打開, 同睇相差唔多, 好滿意啊! 但見到點解得20個洞呢? 數吓小如有廿幾隻牙架喎!! 後來睇返D牙齒網站, 原來乳齒真係得20隻喎, 啊啊!

2010年3月14日星期日

慶功宴

早前小如參加跳舞學校安排嘅「2010年國際新春花車巡遊」, 演出成功呀!

不得不讚呢間學校真係有D計 ~~ 搞咗個慶功宴(分享派對)啊! 請返晒有份演出嘅同學黎玩吓、睇吓精彩表演及花絮、睇吓相、跳返當日果隻舞、頒發証書、仲請咗成廿個同學上台分享心得。

最搞笑係請咗一班同學及家長上台學跳舞, 如爸都有份, 笑到碌地 :)

呢個分享會响愉景新城商場到搞, 引來不小途人圍觀, 當然有人即時可以幫你報名學跳舞。由小如一年班起就係呢間跳舞學校學跳 Jazz, 三年幾黎只覺佢哋好 commerical, 但耐何小如鍾意, 為有一路鬧一路係咁交學。估唔到今次呢個分享會除咗有茶點招代, 仲有 $500 coupons...正當大家以為點解咁着數嘅時候, 睇真D.....原來D coupons 係比你介紹新同學, 真係多謝晒呀!

2010年3月7日星期日

家長義工

不經不覺, 樂樂返咗劍嗚嘅N1已經7個月啦, 真係叻咗好多, 我真係感到老師係好比心機教佢。學校安排嘅一切活動, 都好令人滿意! 正因為咁, 每當有朋友問我覺得學校好唔好, 我實話好架。做咗幾次家長義工, 都好 OK。

可惜昨日為2010年9月 N1 interview 嘅安排, 實在係混亂咗D! 我係負責下午時段嘅逾時等候區 (心唸, 正啦, 邊有人interview 夠胆逾時架!) 我一去到係一點三, 一頭霧水咁埋到位就係咁比人鬧! 原來果時排緊隊D家長係 in 十二點架 ~~ 當時只要你企响入口附近, D人就當你係工作人員架啦, 係咁問排邊呀, 仲要等幾耐呀, 點解等咁耐呀, 點搞呀.....唉我都唔知架 :(

最玩嘢係2點右左突然落雨, 唉! 仲混亂, 有遮果D家長C 都唔走, 冇遮果D又問有冇得派籌, 學校方面又冇明確指引。如是者, 我企到六點, 不過好在到四、五點就真順暢好多, 冇乜人鬧啦!

事後一衆網民响 BK 開咗個 topic 繼續鬧, 原來有超過 2000 人去 interview! 希望學校可以吸取教訓, 唔好令到想入 KM 嘅家長卻步啦。