EQ 的挑戰

小如每年三次嘅測驗週, term 2 完結啦, 依家又到挑戰我 EQ 嘅時候...派卷!

佢嘅成績一向中中哋啦, 但今年9月升五年班就要呈分試, 因為好驚揾唔到好嘅補習社, 所以由今年1月起就比佢去補習, 今次嘅測驗我比較輕鬆, 因為有補習老師幫手同佢溫書。

今日派咗兩份卷 ~~ 成績同上次測驗差唔多, 唔見得有進步。我好明白補咗三個月習, 成績未必突飛猛進, 但都應該好DD掛 ~~ 唉! 又係錯埋D唔應該錯嘅嘢, 見到佢D卷, 我同自己講 : 冷靜 冷靜!