親子旅行

Friday, Mar 5, 2010

樂樂學校搞咗個 挪亞方舟 親子旅行。

呢間學校真係唔錯, 一去到學校, 一人派個禮物袋先。裡面有玩具, 有維他奶, 仲有一包濕紙巾, 好細心!

去到先在「珍愛地球館」玩親子工作坊。老師安排個哥哥講解動物, 樂樂當然冇坐定過啦, 成間房嘅嘢比佢玩晒!

安排得最正係食飯個地方, 可以舒舒服服坐低休息吓! 之後就參觀方舟花園, 栩栩如生的各種稀有及瀕危動物雕塑，影起相黎都幾靚。仲有同成班同學仔一齊吹波波, 玩咗好耐好開心呀!



最攰嘅就係响沙灘玩啦, 樂樂一去到除咗鞋就喪跑, 本來老師安排咗三個攤位遊戲, 但係又熱同又多人排隊....玩咗一陣, 唔對路啦! 好彩我醒, 冧咗樂樂去間餐廳到上 iPhone 睇 youtube, 有冷氣嘆同坐咗成個鐘, 唔係我唸我實暈咗...