大除夕, 好忙!

早上帶咗小如同樂樂去紅棉道觀禮, 樂樂第一次參觀婚禮, 可能有Ｄ緊張, 拖實家姐喎!





其實我都好擔心佢會係婚禮上失禮人....例如人哋準備講 " 我願意", 樂樂大叫 "NO" 咪大鑊, 哈哈! 好彩好彩, 全程好乖, 諸事八卦係度裝人哋, D 賓客拍手, 樂樂又拍手添!

爸爸成日話想帶佢兩個返工司玩, 今日終於實現啦! 去到 IFC, 小如好鐘意Ｄ裝飾, 影咗好多相呀!







跟住.....仲要同人迫去 City Super 買我地嘅除夕大餐!

晚餐就係食小如親手泡製嘅澳洲生菜沙律 (有車厘茄, 粟米, 仲有 Bacon bits, 加埋 Caesar sauce, 好正呀)。至於主菜係如爸整嘅磨菇燒汁澳洲牛扒啦, 都 Very Good!

一家大細嘅除夕晚餐, 唔洗五舊水, 呵呵呵, 祝大家新年快樂!

寶寶成長路

今日去咗健康院聽講座, 聽吓18-24個月BB嘅發展。呢段期間都不外乎係學講嘢, 正面管教, 同介片等等。大家如果想要呢Ｄ小冊子, 可以睇 健康資訊一歲至三歲親職教育。

姑娘仲播咗一個 video, 大家可以用5分鐘睇吓呢條 link, 1-2歲果條片呀!

寶寶成長路 ~~ 本片旨在讓家長了解孩子於零至三歲的體能、手部操作、社交情緒、語言及認知等發展，從而給予孩子適當的培育。

又趕兩塲!

下午又有BB趴地, 係响一個朋友企嘅會所搞, 今次小型D, 30 個 BB 到啦! 好多謝有份搞嘅媽咪, 由訂塲地, 到訂食物, 到交換禮物, 仲有Ｄ媽咪自制愛心甜品, 好唔話得! 點解冇相睇?? 由去到會所開始, 我同如爸就係咁追住樂樂, 邊度有時間影相呀。

跟住就要去飲啦 ~~ 樂樂第一次去飲呀! 銅鑼灣利舞臺 彩福皇宴 好似話新開嘅, 真係幾靚喎! 歐陸式禮堂, 起碼有20呎高, 仲有變色嘅燈光, 加埋一對新人响旋轉形雲石樓梯行落黎，非常之有氣勢!

食物質素都好好呀, D 嘢上枱係熱辣辣架! 搵緊地方擺酒嘅朋友不妨睇睇呀!

It is boxing day!

尋日跑咗兩個 party, 五大袋禮物, 小如一早起身就開工拆啦!

大家先睇吓有幾多......拆到手軟呀!



真係多謝晒各位嘅禮物 :) 希望大家有個美好嘅 2009 年!

Joy to the world

又到聖誕, 又到聖誕! 一家大小 11 人一齊慶祝吓! 豐富嘅晚餐, 好有氣紛嘅佈置, 聖誕老人派禮物, 小丑魔術助慶.....仲有全家人交換禮物!

返學唔喊啦!

樂樂11月開始返自己上堂嘅 playgroup, 堂堂都喊! 結果老師比我陪佢上堂。上咗成個月, 都仲有四位家長要陪BB, 老師覺得唔對路......下令全部都冇得陪, 有得佢哋喊!

唔知佢係咪真係認得 >>> 每次去到學校樓下, 樂樂就開始飲泣 :( 入到課室由上堂喊到落堂, 每次落堂佢都係第一個跑出黎, 一見到我就騎騎笑!

不過小朋友係不斷進步嘅, 結果一堂好過一堂, 今日開始冇喊啦。放學返到屋企仲自己開門添!

咁乖梗有獎啦~~ 糖糖一粒, 睇吓幾開心!

姊弟裝

靚唔靚呢? 上次去開倉買架, 大碼$30, 細碼$20 喳! 歐洲牌子果然質料一流, 小如話.....未着過咁舒服嘅運動裝喎!

Love is ......

Love is patient, love is kind .... love never fails! (1 Corinthians 13:4, 8 NIV)

近來好多親友踏入人生嘅新階段, 戥佢哋開心嘅同時, 梗要參加佢哋婚禮啦! 今日有舊同事結婚, 响天主教教堂行禮, 感覺有Ｄ熟識 ~~

10 年前我哋嘅婚禮都係天主教形式, 地點係 聖瑪加利大堂。

仲好記得當日:
好莊嚴嘅教堂, 加一大班兄弟姊妹, 仲有好多親朋好友, 熱鬧非常!



仲好記得當時:
嘅承諾 "許諾從今以後, 無論環境順逆, 疾病健康, 我將永遠愛慕尊重你, 終生不渝。"

在此誠心祝福各位新婚嘅朋友 ~~ 白首偕老, 永遠幸福!

Thomas & Friends X'mas Wonderland

Date: Dec 12, 2008 - Jan 1, 2009

Time: 1200pm-8pm

Venue: Discovery Park Shopping Centre (荃灣愉景新城)

有乜玩? 等小如介紹吓: 有手工製作, 玩泥膠, 砌大積木, 射箭..... 矮過 1 米仲可以玩充氣彈床添!

雪亮聖誕!

小如放假啦! 迎聖誕~~又係果度囉!

連樂樂都識欣賞 雪亮聖誕 ?

晨早起床, 做D乜?

醒目仔黎嘛, 一訓醒梗係要整枝奶先啦!

擒高攞個樽先.....


跟住攞奶粉..... 喂~~有冇人比Ｄ水黎呀唔該!

Mega Box 半日遊

如爸今日休息一天, 我哋去咗 Mega Box 半天遊! 呢個商塲, 都幾識合一家大細行, 因為有時裝, 又有童裝; 有大型家居用品店, 又有超級市塲; 除咗有電梯, 又有 lift, 方便推 BB 車; 仲有厠所超乾淨, BB 換片嘅房好正!

依家做緊 Winnie the Pooh 嘅節目, 好多佈置, 連聖誕樹都全部係 bear bear!

叫樂樂企定定同 Pooh 影張相, 好難啦!

都係家姐乖!

唯一令樂樂定定嘅.....一係有嘢食, 一係有嘢飲囉!

牧童笛~~你又識吹?

再去掃貨

上次掃嘅 $10 $20 貨仔, 越唸越抵, 今日又去睇睇!

今次仲約埋兩位媽媽朋友, 一齊再掃貨。除咗再買D甲乸衣同運動衫之外, 今次仲買咗D BB boby 比朋友。唔少得係買返D比小如啦~~ 今日有大套嘅運動衫, 可以同細佬黎一 set 姊弟裝!

呢一套長袖 tee + 褲 $15 喳!


最靚嘅收獲係呢件 Chicco 長外套 $40, 軟綿綿, 暖笠笠, 扮晨褸一流!


開倉到今個星期六喳, 未去嘅快Ｄ啦!

今年第一個聖誕趴地

我哋 D BB friends 又搞活塲動 ~~ 今次係 "聖誕趴地暨歲半生日會"! 地點揀咗九龍灣德福 德藝會 。

真係好多謝兩位搞手媽咪, 兩個人搞咁多嘢, 辛苦晒! 有得食, 有得玩, 有相影, 有抽獎, 仲有贈品呀! 好開心啊~~

大合照, 陣容强唔强勁!

又食又拎添!

又要面試

今日又要面試 ~~ 綠楊幼兒園。到目前為止, 有三間學校收咗樂樂出年讀 N1, 但我最想佢讀嘅係呢間! 點解? 因為方便囉, 同埋聽講都係好學校黎架, 如果唔好, 上次交報名表就唔洗排两個鐘啦!

今次面試 look, 主打都係要斯文, 希望可以令老師嘅印象加小小分。

爸爸都要練定四萬笑容, 務求要父子同心, 其利斷金。

早咗15分鐘去到學校, 先熟習環境。樂樂一見到個滑梯, 即刻大顯身手......由地下上滑梯, 要爬過一個斜嘅繩網; 當其它小朋友要家人扶住上滑梯, 樂樂梗係自動波唔洗人扶爬上去啦!

面試嘅安排幾好, 5-6個小朋友一組, 入到一個遊戲間, 有本地同外籍老師, 仲有個主任攞住個 file, 應該係負責比分呱。個遊戲間有唔同嘅玩具比小朋友玩, 氣紛好好, 輕輕鬆鬆。跟住每位老師就同一位小朋友玩, 從而觀察小朋友嘅表現。

樂樂表現點? 總括黎講係.....牛頭唔搭馬嘴囉!

老師同佢玩廚房仔 >> 佢就整跌晒Ｄ沙煲瓦罉;

老師叫佢疊大積木 >> 佢彩你都傻;

老師叫佢爬過個小拱門 >> 佢繞個圈行外面;

唯一 OK 係老師同佢玩電話, 佢識扮聽電話囉!

其如時間就四圍走, 可憐嘅老師~~同佢面完試索晒氣, 流晒汗!

雖然咁嘅表現唔見得好好, 但起碼全程都係樂樂自己同老師玩, 唔洗我哋陪佢, 充分表現佢可以獨立嘅一面。坐我哋隔離嘅果對父母, 基本上係老師叫個小朋友做咩, 父母就再叫一次, 跟住一齊做。你係老師, 你收邊個?

嘩, 開倉大減價!

平時好少去開倉, 因為怕迫人 (跟咗如爸10年, 學咗唔仲意迫人!)

今日見時間啱, 又近近地, 就走去睇吓。點知.......大穫啦, 買咗好多! 全部都係 Prénatal 嘅衫, 呢個係意大利牌子, 歐洲好多國家都有 stores!

真人示範: 喂, 埋黎睇埋黎揀, 廿蚊套 、廿蚊套....





呢D畫毛靚靚甲乸衣, 十蚊喳! 連門口收錢嘅亞姐都問有冇搞錯~~冇錯冇錯! 所似唔理咩色, 見到啱 size 就買啦! 可以幫樂樂着返件粉紅色扮吓女仔添呀 ^_^

呢張 Pooh 毛巾睡袋, 都係十蚊!


其實仲有好多 Chicco 嘅衫, 不過女仔衫多D。同埋大都份都係初生至一歲嘅尺碼, 全部都係$2-40。

睇到呢度, 你梗係問响邊到買.....

大量名牌嬰兒服裝, 低於廠價發售

日期: 08/12 - 20/12 (星期一至六)

時間: 11:30am - 3:00pm

地址:葵涌葵昌路18-24號美順工業大廈15字樓B室