歲半發展監察

今日到樂樂去 健康院 做 發展監察 ~~ 一如所料, 梗係肥佬! 通常如果各樣發展正常, BB 就到四歲先再去健康院; 肥佬嘅BB, 兩歲要再返都評估。

但係樂樂可能生得靚仔 :) 姑娘想再見多佢幾面, 所以要下星期再返去, 同醫生見吓面再評估喎! 其實我未聽過有得比醫生評估, 都好, 交咗咁多稅有返小小福利。

測D乜嘢? 我覺得樂樂表現Ok喎! 識疊積木, 仲識餵公仔飲水添, 只係講嘢同表達差小小之嘛.....例如

唔識講有意思嘅字
唔識指媽媽, 爸爸
唔識指眼耳口鼻
想要一樣野唔識指 (因為佢習慣想要一樣野就擒去攞)
最大獲係你叫佢個名佢都唔 so 你 (very cool!)

但其實我一D都唔担心, 因為佢識嘢我唸好BB都未必識喎:

例如你話去街啦, 佢識膨膨聲開鞋櫃攞鞋;
去完街返屋企, 第一時間攞張櫈仔企高洗手;
呢兩日咳果陣仲識拍吓心口;
有鼻水仲走去攞個揼入個鼻到吸....不知幾醒!