又趕兩塲!

下午又有BB趴地, 係响一個朋友企嘅會所搞, 今次小型D, 30 個 BB 到啦! 好多謝有份搞嘅媽咪, 由訂塲地, 到訂食物, 到交換禮物, 仲有Ｄ媽咪自制愛心甜品, 好唔話得! 點解冇相睇?? 由去到會所開始, 我同如爸就係咁追住樂樂, 邊度有時間影相呀。

跟住就要去飲啦 ~~ 樂樂第一次去飲呀! 銅鑼灣利舞臺 彩福皇宴 好似話新開嘅, 真係幾靚喎! 歐陸式禮堂, 起碼有20呎高, 仲有變色嘅燈光, 加埋一對新人响旋轉形雲石樓梯行落黎，非常之有氣勢!

食物質素都好好呀, D 嘢上枱係熱辣辣架! 搵緊地方擺酒嘅朋友不妨睇睇呀!