重返勞動市場??

自從做咗全職媽咪, 真係好多時間可以照顧如如同樂樂。隨住樂樂一日一日咁長大, 距離返幼兒園嘅時間一日一日咁接近, 所以舊年開始搵D野做吓。

做酒店嘅年代認識 HelmsBriscoe -- 美國好大好出名嘅 site selection 公司, 惜日嘅客仔, 估唔到今日請左我喎。 其實只不過 home office, part-time 性質咁做吓, 足不出戶都可以令到自己知一Ｄ市場嘅動向, 久不久去吓 seminar, 見吓d 酒店朋友, 有百利而無一害。

今日去左 Best Practice Awards 一年一度嘅頒獎禮, 同佢地個 founder 識左好多年, 今次仲安排張枱可以比我介紹吓公司。係美國出名, 但香港就唔係咁多人識啦, 始終各個城市都有其不同嘅商業模式。不過今日都有收穫喎, 遇到幾個客呀！慢慢煲吓生意, 睇吓煮唔煮得成熟飯。