去到新學校, 一D都冇有怕! 老師出黎接佢地, D 小朋友都好乖, 拖住老師....樂樂梗係唔比佢拖啦, 自己行, 唔知點解好似識路咁! 沖到入課室, 周圍搵玩具玩; 鬼婆老師就有呢度好, 冇鬧不特止, 仲話 "that's Ok!" 見佢無懼陌生環境, 我梗係走啦 >>> 呢個班係要佢地學獨立嘛！
我一行出門口, 有個 BB 女就開始喊 (佢都係第一堂), 結果叫左家長入去陪。我都驚樂樂喊, 裝吓佢又Ok喎!
第一堂, 咁順利? 梗係唔係啦! 大半個鐘之後, 老師都係搞佢唔掂, 話樂樂一知到對門開得, 就成日想去開門; 當然就仲有行黎行去, 琴高爬低等等! 結果叫左工人姐姐入去陪佢 (捉住佢就真)。
老師既評語係: 非常活躍, 專注力比較低, 坐唔定 (冇錯呵, 呢個係佢呀), 但第一堂遮, 需要D 時間, 慢慢就習慣架啦!
沒有留言:
發佈留言