啱啱攞咗冠軍....就跌親

啱啱禮拜日先攞左两個第一，一個第二，點都估唔到今日小如溜冰會跌親個下巴！

今日係去學溜冰, 因為聽日運動會，唔洗交功課，所以早Ｄ去玩吓。真係睇唔到佢點跌.....淨係見佢係溜冰塲出黎，坐底摸吓下巴，我仲問係佢點解隻手好似瘀左, 佢先知係血漬。一睇個傷口原來都幾大呀, 見到自己流血小如先開始喊！

溜冰塲Ｄ人好好, 好快埋黎幫手, 一知到流好多血仲話都冇咁快叫十字車。結果冇用到呀，取消左，梗係唔去政府醫院啦.....去返港安~~有感情呀，佢五歲跌親下巴果次都係响港安聯左五針。

今次去到又係上次個醫生當值，不過今次冇緣呀, 因為佢啱啱整爛左副眼鏡喎 (咁啱....怕左小如就真啦!)

最後搵左第二個醫生聯左四針遮, 同上次果條疤痕變左個 "＝" 號囉! 大家請留意：整個聯針過程係冇喊嘅....小如你真係好強!