學自立?

可能就黎兩歲, 呢排樂樂好似想學自立 ~~ 例如坐巴士會自己坐一個位, 扶住, 唔比你幫手!

係咪好似大個仔咁呢?

其實踏入兩歲之後, 小朋友會進入一個渴求學習和愈加獨立的階段, 變得有自己性格! 為左做好準備, 了解家多D呢個階段 BB 嘅發展, 最近睇左呢篇文章, 大家可以一齊研究吓!

八大重要成長階段: 24 - 36 個月

Party ~~ go go go!

樂樂嘅成班 BB 朋友仔, 都係五月出世, 黎緊好多派對要參加呀! 上星期日先去完一個, 跟住個個星期都有 party 去呀~~

咁今年樂樂開唔開生日呢? 答案係唔開囉! 因為如爸話搞乜樂樂都係跑黎跑去, 失禮人.....本來我都唸住揾間 Gym 比佢跑吓擒吓, 但時間又好似唔係咁啱, 加上最接近樂樂生日嘅星期日係母親節, 點都會慶祝吓架啦! 所以今年决定淨係去參加人哋D生日會囉!

豬流感! 打到黎?

各大報章、新聞、網站今日嘅頭條 ~~ 全部都係關於豬流感!

有幾嚴重? 仲未知! 但沙士一疫之後, 香港人嘅預防/處理危機感越見加強。換轉十幾廿年前, 十萬九千哩之外發生嘅事, 點會咁担心吖!

作為一個小市民, 我哋可以做D咩.....搶口罩? 唔出街? 其實我覺得注意個人衛生最重要! 如果人人都可以做到, 咁真係有效阻止傳播病菌。仲有當然係緊貼疫情嘅報導啦, 希望今次可以快D將豬流感同金融海嘯一齊跨過啦!

狂風暴雨中遊挪亞方舟

早有所聞馬灣嘅新景點 挪亞方舟 即張開幕。雖然未公佈正式開放日期, 各項設施就接受團體參觀, 但又要申請又要安排又要約一大班人, 都唸住唔去住架啦!

點知近來有個朋友入咗去裡面做, 今日可以做先頭部隊去玩吓.....滿懷興奮嘅心情却撞啱狂風暴雨(好彩最後決定冇帶樂樂一齊黎)!! 由珀麗灣碼頭, 幾經辛苦全身濕透先去到 :(

室外景點全部都冇得玩啦!

只參觀咗 珍愛地球館 同 方舟生命教育館, 好啱小如玩, 好有教育意義! 珍愛地球館嘅15個主題展館, 糅合了生命教育、多元智能發展和通識教育元素, 透過互動遊戲, 引發兒童的思維和創意, 在愉快的環境中學習。每參觀完一個館, 答中問題仲可以有一個印仔, 集齊咁多印仲有禮物換添!

兩歲牛一!

話都冇咁快, 以農曆計算, 樂樂今日兩歲啦!

點慶祝?? 日頭梗係同媽咪二人世界啦 :) 去遊樂場玩, 仲去麥記撐枱脚添!

呢個高難度新玩意, 當然難唔到佢啦!

坐韆鞦, 仲示意我唔洗扶, 行開小小....

繩網陣, 都唔比扶 :p

上次黎, 都未識爬上呢個玩意架! 今次黎, 唔洗5秒就上左去!

係時候休息吓 (媽咪休息吓) ! 有得食有得玩, 梗要去麥記啦~~

晚飯仲有雞肶食呀! 樂樂生日快樂!

Online survey

前一排, 有朋友介召去做 research, 好似幾吸引, 每次有幾佰蚊車馬費! 但一來一回去到 research 公司連埋座談會, 要四、五個鐘, 所以去過兩次就冇去囉!

跟住又有朋友介召做 online research (可能 D 朋友唸住幫呢個 C9 揾返小小洗用)。 online research 有好多間, 我參加咗 mySurveyASIA。

同一般面對面去座談會做調查唔同, online 只需要上網答問題, 攞積分換禮卷; 我做咗幾個 servey, 就夠分換 $50 惠康禮卷 ~~ 今日收到張禮卷啦, 雖然唔等多, 都幾好喎, 呵呵!

Back to school!

復活節假期終於完結啦, Yeah!

呢個假期有十日, 對於一個全職媽媽, 小朋友放長假真係仲慘過乜....首先要安排好時間做假期功課, 又要安排唔同類型嘅節目 (怕佢成日唔知做乜浪費時間), 仲要安排一D有益身心嘅活動!

今個假期, 節目豐富 ~~ 沙灘尋蛋, 冒險樂園生日會, 珍寶海鮮舫, 海洋公園, 澳門遊 ----> 一個字型容晒 「攰」!

好彩黎緊冇長假, 要等到七月先放暑假啦, 等媽咪可以抖返兩個月 :)

桌球小天后?

Date: Apr 15, 2009

Venue: QUBE @ Venetian Macao

呢期電視做桌球天王, 搞到小如又話要玩 (電視嘅影响力真係犀利), 經過爸爸嘅指點, 都似模似樣架, 仲有入波添喎, 好玩到唔捨得走。

下水禮

Date: Apr 15, 2009

Venue: Venetian Macao

黎到咁靚嘅泳池, 今年第一次下水啦! 天氣都算好, 有小小陽光, 加上泳池係恆温, 所以都玩咗好耐吓。

家姐就最開心, 因為同行有個朋友仔陪佢玩!

爸爸就辛苦D...要比兩隻馬騮舞~~

再戰 Q 立方

Date: Apr 14, 2009

Venue: QUBE @ Venetian Macao

今次再黎 Q 立方, 樂樂唔單止玩 BB 嘅 area, 仲上去玩大朋友嘅設施!

呢個網~~唔係咁爬架喎! 佢二話不說, 凌空就放脚, 嘩我幾驚個網跌落黎!

呢個繩網陣, 佢唸都唔洗唸就走過去。唯一得呢個大轆佢爬極都爬唔過, 呵呵!

吃喝玩樂在「威記」

日期: 四日十四至十六日

~~~~~~~~~~~~~~~~~

趁小如放復活節假, 一家大小去澳門玩吓!

上次新年果陣去過威尼斯人嘅 playroom , 令小如念念不忘...今次為咗方便佢哋盡情咁玩, 實行住返晚! 我哋都唔係第一次住啦, 但樂樂今次會行會走會跑會跳, 真係追到你索氣 @~@



Order 咗張 BB 床比樂樂 ---> 好正, 有晒一套床單被鋪, 仲有一隻 Venetian Puppy 送添噃, 但係好似細張咗 D !



仲以為樂樂好鍾意張床, 結果玩唔夠兩分鐘就........



除咗去 QUBE 玩同游水, 今次仲有周圍行吓參觀吓威記。呢個街頭扮石像嘅人兄, 扮得好似, 眼都冇眨 ~~ 見佢咁得, 叫小如醒咗 $10 蚊佢嘆吓! 點知佢即刻郁喎, 嚇 C 我!!





其它旅程嘅花絮, 待續!

常識科專題研習

常識科啱啱教完 「香港小導遊」一課, 小如呢個假期要做一個專題研習, 探討嘅主題佢揀咗~~ 家庭玩樂!

根據老師嘅指引, 我哋一早就定晒行程內容(梗係以玩為主啦): 包括去珍寶海鮮舫同海洋公園一日遊。

小如未去過珍寶, 對於可以响隻船上食飯, 感覺好新奇!

仲要搭隻好有風味嘅船仔先去到...

酒樓嘅大堂擺咗一套古色古香嘅龍椅, 小如都要一嘗做皇上嘅味道!

行程主打嘅海洋公園黎啦, 今次嘅研習, 要去參觀熊貓館啦, 海洋館啦, 坐吊車啦...

對於樂樂黎講, 好新鮮 (因為佢未去過)!

趁家姐玩過山車, 整枝雪條先, yum yum!

就响家姐玩完呢架過山車之後, 竟然落雨呀!!! 雨中嘅海洋公園 ~~ 簡直用兩個字形容晒 「惡夢」! 跟住落黎嘅情形, 就係先迫入商店買雨褸, 再比一條綿延不盡嘅吊車人龍嚇窒, 再跟住一條唔知行幾耐嘅路落山 (其間當然係全程抱住 30 磅嘅大隻樂) !

歴盡艱辛先去到大樹灣山脚出口, 仲要再搭車先返到海洋公園嘅正門, 真係...唉!

生日會 @ 冒險樂園

小如第一次參加响 冒險樂園 舉行嘅生日會, 好好玩喎!

首先有個 party 房比大家坐吓食吓嘢, 仲有小丑姐姐助吓慶。到切完蛋糕就派遊戲卷比大家出去玩。小如揀咗玩呢架青蛙機 (好似好低能, 但佢話好好玩呀)! 仲玩咗果隻90度轉嘅飛船同超勁巨無霸迷宮....

玩到成身汗, 最好坐定定玩吓呢D夾珠仔!

最後仲攞埋枝棉花糖慢慢嘆 ~~ 呢個生日派對真係唔錯, 可以考慮吓响呢度幫小如開生日會!

親子閱讀

爸爸仲意睇書, 成日都希望可以感染樂樂對閱讀嘅興趣 ~~ 今日出現咗呢一幕!



其實樂樂好少坐定定睇書 :P 好難得先有呢個情境出現! 屋企D圖書佢都未睇得晒, 所以我哋都未需要去圖書館借書住。但如果你想除咗陪佢睇吓故事書之外, 試吓新野, 可以上呢個網聽 親親孩子講故事, 有十幾個故仔, 每個可以播三種語言, 都幾得意架 !

Egg hunt @ Lido Beach

復活節假期開始啦, 一連串聚會嘅第一砲 ~~ 約埋 9 個 BB 朋友仔响麗都灣尋蛋!

各位媽咪預先已經同 BB 親子製作咗一D復活蛋, 先黎一個蛋蛋大合照先。



跟住媽咪們就將 D 蛋 (係咁以) 埋响沙度, 為咗增加難度, 各位要揾返自己 D 蛋! 出發 ~~

呵呵, 呢隻咁大嘅!

對家姐黎講, 當然毫無難度啦!

黎到沙灘, 梗係要玩吓泥沙添....

仲有呢個咁好玩嘅搖搖椅!