常識科專題研習

常識科啱啱教完 「香港小導遊」一課, 小如呢個假期要做一個專題研習, 探討嘅主題佢揀咗~~ 家庭玩樂!

根據老師嘅指引, 我哋一早就定晒行程內容(梗係以玩為主啦): 包括去珍寶海鮮舫同海洋公園一日遊。

小如未去過珍寶, 對於可以响隻船上食飯, 感覺好新奇!

仲要搭隻好有風味嘅船仔先去到...

酒樓嘅大堂擺咗一套古色古香嘅龍椅, 小如都要一嘗做皇上嘅味道!

行程主打嘅海洋公園黎啦, 今次嘅研習, 要去參觀熊貓館啦, 海洋館啦, 坐吊車啦...

對於樂樂黎講, 好新鮮 (因為佢未去過)!

趁家姐玩過山車, 整枝雪條先, yum yum!

就响家姐玩完呢架過山車之後, 竟然落雨呀!!! 雨中嘅海洋公園 ~~ 簡直用兩個字形容晒 「惡夢」! 跟住落黎嘅情形, 就係先迫入商店買雨褸, 再比一條綿延不盡嘅吊車人龍嚇窒, 再跟住一條唔知行幾耐嘅路落山 (其間當然係全程抱住 30 磅嘅大隻樂) !

歴盡艱辛先去到大樹灣山脚出口, 仲要再搭車先返到海洋公園嘅正門, 真係...唉!