好記性~~樂樂

今日有D雨, 同樂樂返學果陣帶咗把遮。

沿途一路佢都要揸住把遮 ~~ 上到村巴都揸住, 未放低過 (我有D担心佢會揸住把遮入課室)。去到學校門口, 有個遮架, 我就趁機叫佢放把遮落個架度。出奇地.....樂樂真係冇扭計, 放把遮落去!

放學啦, 我就扮傻唔攞返把遮 :) 點知佢真係記得, 十幾把遮, 佢識攞返我哋果把!

平時教佢認字, 佢又唔記住; 究竟佢係咪一直都响度扮傻!