到「法國」一遊

事原樂樂上星期日開始有鼻水, 睇個普通科醫生, 話佢係鼻敏感。到星期一起身就開始咳啦, 係咁咳係咁咳, 學都冇比佢返, 到晚上再帶佢睇兒科專科....竟然話佢哮喘, 要入醫院!!!

呢位兒科專科醫生由朝睇症到晚上10 點, 當然冇同任何人醫院掛單, 只係問我哋想入邊間醫院, 寫封 referral 我哋就自己搞掂。

去到法國醫院, 竟然話冇房 :( 不過如果有駐院醫生檢查過....就會盡量幫我哋唸辨法喎 ! 咁 >> 為有又等睇多次醫生。好彩呢個時候樂樂己經好好多(之前睇兒科比咗兩啖藥佢聞), 行黎行去係咁搞嘢。

呢度位醫生話如果樂樂係第一次咳到喘, 之前未試過唔應該叫哮喘, 因為哮喘係有重覆性嘅, 佢應該係叫急性氣管炎, 至於由咩引起, 要化驗吓先。由於 SaO2 (血氧飽和度) 得93%, 醫生都建議入院 ~~ 依家又話有床啦喎!

入咗院要做好多測試, 血、鼻涕、痰、尿....

但係樂樂呢位病人, 除咗隻手係插住鹽水之外, 仍然可以擒高擒低，行出行入，唔洗訓覺....