Shopping!

似家好多人都成日上深圳吃喝玩樂, 以前都有去行吓, 但自從小如出咗世, 就冇去過, 成10年啦! 什麽地鐵, 新關口, 落馬洲支線, 全部都未見識過, 大鄉里。

上次去朋友屋企, 見到張好靚嘅書枱、成套 roller 鞋嘅裝備...好似好抵咁 :) 今次同兩個朋友一齊去, 唸住行吓睇吓有乜平嘢執。點知 ~~ 買得最多係我喎!!

瘋狂購物 4 粒鐘的成果....全部加埋唔洗五百蚊人民幣 ~ 最正係呢套書枱! 本來買唔到架啦, 因為間鋪頭 D 書枱存貨全部都係女仔款。點知臨走見到個伙記砌緊呢張做 display, 嘩仲有埋磁石白板, 即刻監察住叫佢拆返入盒賣比我!

其它收獲仲包括 : 吹氣梳化兩張, 出口貨 Scooter, 迪迪尼錯版印章, 磁石珠珠迷宮, 好多沙畫同閃粉畫, 火車電動拖頭, 同埋雨季點少得雨褸加水鞋!

大家睇吓件雨褸最令人感動嘅設計 >> 大家咪以為 D "白" 鈕係用黎收埋件雨褸, 其實係比你揹個書包响裡面果陣可以舒服 D, 咁都唸到, 我哋中國人真係好叻架 ... 承惠 廿蚊!

個個問點抬返黎呀 >> 一架强力手推車, 加多一個喼, 再加多一雙强壯臂彎囉!